Шударга өрсөлдөөн, хэрэглэгчийн төлөө газраас "Иргэний зөвлөл" байгуулах сонгон шалгаруулалтыг Үндэсний статистикийн хороотой хамтран өнөөдөр зохион байгууллаа.

ШӨХТГ-ын үйл ажиллагаанд дэмжлэг үзүүлэх, иргэдийн оролцоог хангах чиг үүрэг бүхий орон тооны бус ИРГЭНИЙ ЗӨВЛӨЛД нийт 9 хүнийг ажиллуулах бөгөөд Үндэсний статистикийн хороотой хамтран түүврийн аргаар олон нийтэд ил тод байдлаар сонгон шалгаруулалтыг явуулсан юм.

Сонгон шалгаруулах үйл ажиллагаанд ШӨХТГ дарга Б.Бат-Эрдэнэ, ҮСХ-ны Хүн ам, орон сууцны тооллогын товчооны дарга Т.Болор-Эрдэнэ болон холбогдох албаныхан оролцлоо.