Эрүүл мэндийн яамнаас ээлжит мэдээллээ хийлээ. Энэ үеэр ХӨСҮТ-ийн Тандалт, судалгааны албаны дарга А.Амбасэлмаа “Нийт 399 хүнд шинжилгээ хийхэд бүгдэд нь коронавирус илрээгүй. Харин ХӨСҮТ-ээс нэг хүн эдгэрч сувилал руу шилжиж байна. Манай улсын нийт бүртгэгдсэн халдварын тохиолдол 298 байгаа бол үүний 289 нь эдгэрээд байна. ХӨСҮТ-д хэвтэн эмчлүүлж байгаа есөн хүний долоогийнх нь биеийн байдал хөнгөн, хоёр хүний биеийн байдал хүндэвтэр байа” гэлээ.