Орон нутгийн ээлжит сонгууль энэ оны 10 дугаар сарын 15-ны өдөр болно. Иймд Аймаг, нийслэл, сум, дүүргийн Иргэдийн Төлөөлөгчдийн Хурлын сонгуулийн тухай хуулийн дагуу иргэдийн шилжилт хөдөлгөөнийг ирэх 8 дугаар сарын 16-ны өдөр зогсооно.

Уг хуулийн 24.1-д “Иргэний засаг захиргааны нэг нэгжээс нөгөө нэгжид шилжин суурьших хөдөлгөөнийг санал авах өдрөөс 60 хоногийн өмнө зогсоож, санал авах өдрийн дараах өдрөөс сэргээнэ” гэж заасан байдаг.

Үүний дагуу иргэний шилжилт хөдөлгөөнийг ирэх 8 дугаар сарын 16-ны өдөр зогсоож, 10 дугаар сарын 16-ны өдөр сэргээх юм.