Хөвсгөл далайд Agartha Resort гэх амралтын газар бохироо цутгасан гэх мэдээллийг зургийн хамт сошиалд оруулснаас үүдэн олон хүнийг бухимдуулсан.
Холбогдох мэргэжлийн байгууллагуудаас бүрдсэн ажлын хэсэг газар дээр нь ажиллаж нөхцөл байдлыг тодруулахад Хөвсгөлийн БЦГ-ын Балчирганат гэх газарт уулын голын шар усны үер орж байгаа нь тогтоогдсон билээ. Тухайлбал, нуурын ус, голын уснуудаас дээж авч, булингар бохирдлыг тодорхойлоход бохирдол илрээгүй юм. Тэгвэл усны шинжилгээний албан ёсны хариу гарчээ. Тус хариуг Байгаль орчин, аялал жуулчлалын яам өөрийн цахим хуудастаа дөнгөж сая оруулсан байна.
Тус мэдэгдэлд дурдагсан мэдээллийг бүрэн эрхээр нь хүргэе.
“Хөвсгөл нуурт нэр бүхий амралтын газар бохироо цутгаж байна гэх тайлбартай зураг олон нийтийн сүлжээнд цацагдсан. Уг мэдээллийн дагуу холбогдох байгууллагууд ажиллан, уулын үер бууж нуур руу орж байгааг тогтоосон. Мөн булингар бохирдлыг тодорхойлж, нуурын уснаас дээж аван шинжлэхэд бохирдол илрээгүй гэх дүгнэлт гарлаа.
Байгаль орчин, аялал жуулчлалын яам” гэжээ.
