Эрүүл мэндийн яамнаас ээлжит мэдээллээ хийлээ. Энэ үеэр ХӨСҮТ-ийн захирал Д.Нямхүү "Өчигдөр нийт 316 хүний сорьцод шинжилгээ хийлээ. Бүгдэнд нь коронавирус илрээгүй.

Өнөөдөр мөн сайн мэдээтэй. Хоёр хүн эдгэрч ХӨСҮТ-өөс гарч дараагийн шатны ажиглалт руу шилжиж байна. Нэг нь батлан хамгаалахын чиглэлээр суралцдаг оюутан бол нөгөө нь 15 настай хүүхэд. 31-33 хоногийн хугацаанд эмчилгээ хийлгээд ийнхүү эдгэрч гарлаа.

Нийт батлагдсан тохиолдол 197 байгаагаас 111 нь эдгэрсэн байгаа. Эмчилгээнд байгаа 86 хүний биеийн байдлыг үнэлбэл 78 нь хөнгөн, 8 нь хүндэвтэр байна" гэлээ.