ЭМЯ-ны Гадаад харилцааны хэлтсийн дарга Б.Янжмаа: Хойд болон Өмнөд Америкт халдвар маш хурдан тархаж байгааг албаны эх сурвалж мэдээлжээ. Тэр дундаа Мексик, Бразил, Чили, Перу улсуудад халдвар маш хурдацтай тархаж байна. АНУ-ын Калифорни, Техас, Флорида мужид халдварын тохиолдол нэмэгдсээр байна. Бразил улсад тархварын мэдээллийг олон нийтэд ил тод, нээлттэй байлгахыг үүрэгджээ.

ОХУ-д шинэ тохиолдол 8500-аар нэмэгдэж, нийт 485200 гаруй болж нас баралт 6142 болжээ. БНСУ-д сүмээс голомттой 86 тохиолдол, шөниийн клубээс үүдэлтэй 270 гаруй тохиолдол бүртгэгдээд байна. Хятадад гаднаас орж ирсэн 3, шинж тэмдэггүй 5 тохиолдлыг бүртгэлээ.