Аймгийн иргэдийн Төлөөлөгчдийн Хурлын Тэргүүлэгчдийн 7 дугаар хурал хуралдаж, 7 асуудал хэлэлцэн шийдвэрлэв.
Аймгийн иргэдийн Төлөөлөгчдийн хурлын Тэргүүлэгчдийн тогтоолоор батлагдсан “Даланзадгад сумын ундны усны аюулгүй байдлын төлөвлөгөө”-ний хэрэгжилттэй танилцаж, 2016 оны хэрэгжилтийг 80 хувьтай хэрэгжсэн, мөн Тэргүүлэгчдийн 2014 оны арваннэгдүгээр сарын 17-ны өдрийн 146 дугаар тогтоолоор батлагдсан “Ойн менежментийн төлөвлөгөө”-ний хэрэгжилттэй танилцаж төлөвлөгөөг 86.9 хувьтэй хэрэгжсэн гэж дүгнэж “Ойн менежментийн төлөвлөгөө”-г шинэчлэн боловсруулж, хэрэгжүүлэх нөхцөл боломжийг судлан аймгийн иргэдийн Төлөөлөгчдийн Хурлын Тэргүүлэгчдэд танилцуулахыг Засаг дарга болон холбогдох албаны хүмүүст үүрэг болголоо.
Мөн Төлөөлөгчдийн Хурлын Тэргүүлэгчдийн хурлын дэг, үйл ажиллагааны журам, Тэргүүлэгчдийн ажлын албаны хөдөлмөрийн дотоод журмуудыг шинэчлэн баталж, орон нутгийн өмчит “Таван толгой” ХК-ийн хөрсний ажлын талаархи мэдээлэл, компанийн үйл ажиллагаанд хийгдсэн болон хэрэгжиж байгаа гэрээнүүдтэй танилцах ажлын хэсэг байгуулав.
