Хавдар судлалын үндэсний төвийн өргөтгөл ашиглалтад орсноор тус эмнэлгийн ачаалал 30-40 хувь буурч байна.

Өргөтгөл зоорийн давхар болон эмчилгээ, үйлчилгээний зориулалттай нийт дөрвөн давхар 5200 м2 орчим талбайтай бөгөөд ашиглалтад орсноор хэвтэн эмчлүүлэх 60 ор нэмэгдэж, 60 гаруй нарийн мэргэжлийн эмч, эмнэлгийн мэргэжилтнийг шинээр ажилд авч хүний нөөцийн асуудлыг давхар шийдэж чадсан байна.

Тус өргөтгөлд элэг шилжүүлэн суулгах төвийн үйл ажиллагааг эхлүүлэх юм. Хорт хавдрын өвөрмөц эмчилгээ болох туяа эмчилгээнд ашиглагдах хамгийн сүүлийн үеийн аппарат,  тоног төхөөрөмжийг Австри улсын Засгийн газрын хөнгөлөлттэй зээлийн хүрээнд шийдсэн байна.