Хятадын Сишуанбаньна-Дай автономит тойрог дахь Цинхун хотын усан цахилгаан станц дээр осол гарсан тухай “CCTV” мэдээлэв. Ням гарагт шилжих орой хүчтэй үерийн улмаас станцын хашлага нуран ус дотогш нэвтэрсэн байна. Улмаар усан цахилгаан станцын байгууламж ба цахилгаан үүсгэгч төхөөрөмж усанд автжээ. Үүний дараагаар тус станцад ажиллаж байсан 31 хүнийг аврах ажиллагааг амжилттай явуулсан байна. Усан цахилгаан станц зогссон хэдий ч онц байдлын тусгай төлөвлөгөөний дагуу хот ба ойролцоох мужуудын цахилгаан хангамжийг бусад эх үүсвэрүүдтэй холбосон тул цахилгааны доголдол үүсээгүй байна.