“Хүндэтгэн үзэх шалтгаантай иргэдээ авчирна” гэж явсан тусгай үүргийн онгоцоор сайд дарга нарын үр хүүхдүүд, гэр бүлийнхэн нь ирсэн гэх мэдээлэл сошиалаар нэг хөвөрч байгаа учир энд дурдах нь илүүц биз. УОК-ын Шуурхай штабын дарга нь хүртэл "Монгол Улсын ямар ч иргэн тасалбараа захиалаад эх орондоо ирэх эрхтэй. Тэр хэний хүүхэд байх нь бидэнд огт хамаагүй" гэж байна.
Б.Ууганбаяр даргын энэ хариулт БНСУ, Японоос ирэх тусгай үүргийн онгоцоор мөн л дарга нартай хамааралтай хүмүүс ирэх юм биш биз гэдэг хардлагыг өөрийн эрхгүй төрүүлж байгаагаас гадна “Тусгай онгоцоор ТУСГАЙ ЭРХ ЯМБА эдэлдэг хүмүүс ирэх ёстой юу” гэдэг асуулт дайхад хүргэж байна.
Жагсаалтанд багтсан жаахан охидыг хасч чадсан эрхмүүд эрсдэлт бүлэг гэдэг нэрээр халхавч хийгээд өөрсдийн танил тал, үр хүүхдээ зөөх вий.
Олон улсын дүрэм, журам яриад зорчигчдын мэдээллийг ил болгохгүй гээд байгаа нөхөд ирснийх нь дараа нэрсийг нь ил болгож, эх орондоо ирж чадалгүй хасагдсан хүмүүсийн ар гэрийнхний гомдол, цөхрөлд хариулт өгнө гэж найдъя.
