Өнөөдөр нягтлан бодогчдын мэргэжлийн баяр төдийгүй энэ салбарт хүч хөдөлмөрөө зориулдаг хэдэн сая мэргэжилтнүүдийн эв санааг дэлхий дахинаа нэгтгэн илэрхийлдэг чухал өдөр юм. 1494 онд Нягтлан бодох бүртгэлийн эцэг гэгддэг Luca Pacioli Венец хотноо өөрийн “Данс ба бусад бичилтүүдийн тухай” номыг хэвлэн гаргаснаас үүдэлтэй аж.  Тус ном нь өнөөдөр хэрэглэгдэж буй нягтлан бодох бүртгэлийн цикл, журналыг хэрхэн ашиглах тухай, түүнчлэн нягтлан бодох бүртгэлийн ёсзүйн талаарх тайлбар бүхий онч мэргэн сургааль зөвлөгөө болон давхар бичилтийн бүртгэлийн талаарх нийтлэлийг багтаасан, бизнесийн бүртгэлийн бусад ажлын үндэс суурь нь болсон анхны ном юм байна.

Улс орон бүрийн нягтлан бодогчдоо алдаршуулах, баяраа тэмдэглэх өдрүүд ялгаатай боловч манай улсын хувьд жил бүрийн арванхоёрдугаар сарын эхээр бүртгэл, санхүү, эдийн засагчдын баяр тохиодог билээ.