ДХИС-ийн Суралцагчийн хөгжлийн төв, Сонсогч, оюутны холбооноос санаачлан зохион байгуулсан “Дээлтэй Монгол” өдөрлөийн загварын уралдааны “Шилдэг хос дээлтэн” төрөлд Онцгой байдлын сургуулийн 621 дүгээр дамжааны сонсогч О.Мягмарсүрэн, 622 дугаар дамжааны сонсогч Б.Өсөхбаяр нар, багш, албан хаагчдын дунд зохион байгуулсан уралдааны “Шилдэг эрэгтэй” төрөлд дамжааны захирагч багш, ахлах дэслэгч А.Амарболд нар тэргүүн байрт шалгарлаа.

Мөн сонсогч, суралцагчдын дунд зохион байгуулсан “АХА” тэмцээний аваргаар 621 дүгээр дамжааны сонсогч Р.Буянжаргал тодорсон юм.

Мөн олон улсын эмэгтэйчүүдийн эрхийг хамгаалах өдрийг тохиолдуулан зохион байгуулсан “Дартс-2022” тэмцээнд ОБС-ийн Сургалтын бодлого, төлөвлөлтийн газрын мэргэжилтэн, дэслэгч Б.Батцэцэг тэргүүн байр, төлөвлөлт хариуцсан мэргэжилтэн, ахлах дэслэгч Э.Оюунтунгалаг гуравдугаар байрыг тус тус эзэллээ.

Уралдаан, тэмцээнд амжилт гаргасан багш, албан хаагч, сонсогч нарыг Онцгой байдлын сургуулийн захирал, доктор, дэд профессор, дэд хурандаа Н.Батсайхан хүлээн авч хүндэтгэл үзүүлэн, өргөмжлөл, мөнгөн шагналаар шагнаж урамшууллаа гэж ДХИС-ийн Онцгой байдлын сургуулиас мэдээллээ.