10. Ашер
 
Түүний жинхэнэ нэрийг Ашер Терри Реймонд гэх ба 1978 оны аравдугаар сарын 14-нд төрсөн. Тэрээр чадалтай дуучнаас гадна дууны шүлэг бичдэг авьяастай нэгэн юм. Ашер өөрийн урлагийн гараагаа 1992 онд эхэлж орчин үеийн хамгийн шилдэг уран бүтээлчдийг олонд танилцуулдаг Billboard-н жагсаалтад тэргүүн байр төдийлөн эзэлдэггүй хэдий ч үргэлж багтдаг. Хамгийн алдартай, олонд хүрсэн хүрсэн бүтээл “Love in this club”, “OMG”, “Dj got us falling in love” зэргийг нэрлэж болно.

9. Тайю Круз
 
Taio бол Английн амжилттай яваа репперүүдийн нэгт зүй ёсоор орох үнэлгээ өндөртэй уран бүтээлч юм. Тэрээр 1983 оны дөрөвдүгээр сарын 23-нд төрсөн ба хамгийн хайртай уран бүтээлээрээ Dynamite, Break your heart зэргийг нэрлэх дуртай. Ерөнхийдөө 2002 оноос тасралтгүй уран бүтээл хийж, 2011 он түүний жил байсан гэхэд болно.

 8. Акон
 

“Smack that” дуугаараа гарч ирсэн залуу бол дуучин Акон юм. Үүний дараа тэр үед томоохон дуулиан тарин гарч ирсэн цагаан арьстан реппер Эминемтэй хамтран уран бүтээл хийж томоохон продюсерүүдийн хараанд өртөж одоогийн нэр алдарт хүрсэн. Энэ цагаас хойш Акон олон дуучин хамтлагтай хамтран ажиллан ирсний дотор Леди Гагатай хамгийн удаан хамтран ажиллаж байгаа төдийгүй сайн найзууд юм.                                                                                          

7. Крис Броун
 
Энэ жагсаалтад багтаж буй дуучдаас насны хувьд харьцангуй залууд тооцогдох тэрээр бүжигчин гэдгээрээ олонд илүү танигдсан. Крисийн энэ жагсаалтад багтаж байгаа нэг шалтгаан нь поп дуучин Рианатай үүсгэсэн хувийн харилцаа гэж ойлгож болно.

6. Давид Гетта
 
 Манай жагсаалтад багтаж буй хүмүүсээс нэг зүйлээрээ онцгойрох хүн бол ди-жей Давид Гетта юм. Дэлхийн шилдэг ди-жейгийн уран бүтээл 1996 оноос хөвөрч, улмаар 2001 онд анхны цомгоо гаргаснаас хойш түүний хийсэн бүтээл бүр хит болсон гэхэд хилсдэхгүй.

5. Тайны Темпа

 Залуу уран бүтээлч Англи улсад 1988 оны арваннэгдүгээр сарын 7-нд төрсөн ба уран бүтээлээ 2005 онд эхэлж, сүүлийн хоёр жилд ихээхэн амжилттай яваа билээ.
 
4. Энрике Игласиас
 
Испани гаралтай поп дуучин 1975 оны тавдугаар сарын 8-нд төрсөн. Ерөнхийдөө 1995 онд урлагийн гараагаа эхэлж дуучнаас гадна жүжигчин, хөгжмийн зохиолч, продюсер, загвар өмсөгч зэрэг нэг хүнд баймааргүй олон мэргэжлийг эзэмшсэн хөдөлмөрч залуу юм.
 
3. Питбулл
 
 Түүний жинхэнэ нэрийг Армандо Кристиан Перз гэх ба 1981 оны нэгдүгээр сарын 15-нд төрсөн. Анх телевизийн хөтлөгчөөр гарч ирсэн түүнийг продюсерийн компани хамтран ажиллах санал тавьснаар 2003 онд уран бүтээлээ эхэлж одоо дэлхийн хамгийн шилдэг диско хэмнэлтэй дуу дуулдаг уран бүтээлч болсон.
 
2. Бруно Марс
 
 Латин Америк гаралтай дуучин маань 1985 оны аравдугаар сарын 8-нд төрсөн. Урлагийн гараагаа 2005 онд эхэлж бага багаар дээшилсээр 2007 оноос түүний дуулсан дуу болгон хит парадад жагсах болсон.
 
1. Жастин Бибер
 
Энэ цаг үеийн хамгийн амжилттай яваа уран бүтээлчийн тэргүүн байранд Канадын залуу од Жастин Бибер орж байна. 2009 онд уран бүтээлийн гараагаа эхэлсэн тэрээр тус ондоо л од болсон. Хамгийн сүүлийн үеийн мэдээгээр энэ жилийн хамгийн их ашиг олсон дуучдын жагсаалтыг мөн л тэргүүлсэн.