Ломбок арлын Ринжани галт уул идэвхжиж эхэлсэнтэй холбогдуулан Индонезын эрх баригчид жуулчдын дунд алдартай Бали арлын олон улсын нисэх онгоцны буудлыг хаахаар шийджээ.
Тус улсын Цаг уурын удирдах газраас мэдээлснээр, галт уулын дээр үнсэн багана үүссэн байна.
Бали арлын олон улсын нисэх онгоцны буудлыг 11 дүгээр сарын 5 хүртэл хаах бөгөөд нөхцөл байдал хэрхэн эргэхээс шалтгаалж дараагийн шийдвэрийг гаргах ажээ. “Галт уулаас цацагдаж байгаа үнсний хэмжээ нэмэгдэх магадлалтай байна” гэж шинжээчид онцлон хэлсэн байна.
Энэ оны долдугаар сард Индонезын Ява арлын галт уул идэвхжсэний улмаас тус улсын маш олон нисэх онгоцны буудалд томоохон саатал гарахад хүргэсэн байна. Зөвхөн Балид гэхэд дөрөв хоногт 900 гаруй нислэгийг цуцалсан бөгөөд хэдэн мянган хүн нисэх онгоцны буудалд түжигджээ.
