Төрийн албаны мэргэшлийн шалгалт өнгөрсөн долоо хоногт боллоо. Энэ нь он гарснаас хойш хамгийн анхны шалгалтад 53 ажлын байрны төлөө 233 оролцогч өрсөлдсөн байна. 
Төрийн албаны мэргэшлийн шалгалтын хамгийн чухал хэсэг болох нэгдүгээр шатны шалгаруулалт буюу тестийн шалгалтад нийт оролцогчдын 24 хувь нь буюу 53 оролцогч тэнцсэн байна. Шалгалтын хамгийн их оноог цуглуулах боломжтой энэ шалтгалтын дүнгээс харахад ийнхүү хангалтгүй байгаа нь оролцогчид болоод залуучууд ном уншихгүй, хуулийн мэдлэггүй, шалгалтад бэлтгэл муутай оролцож байна хэмээн ажлын хэсгийнхэн хэлж байна.
Энэ удаагийн шалгалтын нэг онцлог нь оролцогчдод зориулан шалгалтыг нээлттэй ил тод хүргэх зарчмыг баримталж ажиллажээ. Тодруулбал, шалгалтын өрөөг камержуулж шалгалтын явцыг бусад иргэдэд хянах боломжийг бүрдүүлж өгсөн юм.
Нэгдүгээр шатанд тэнцсэн оролцогчдоос хоёр болон гуравдугаар шатанд монгол хэлний шалгалт, ярилцлага авсан бөгөөд дүнг нэгтгэж өнөөдөр гаргах юм байна.
