П.АМГАЛАН
"Нийслэлийн спортын салбарын шилдэг тамирчин"-аар номинацийн эзнээр Жүдо бөхийн Үндэсний шигшээ багийн тамирчин, олимпын мөнгөн медальт, дэлхийн аварга, Ази тивийн аварга, гавьяат тамирчин Бавуудоржийн Баасанхүү тодорлоо. Тэрээр "Парис-2024" Олимпын наадмын жүдо бөхийн эмэгтэй -48 кг-ын жинд баридаж эхний тойрогтоо Мальтагийн Катрына Эспоситог ялснаар шөвгийн 16-д үлдэж дараагийн тойрогтоо Австрийн Катарина Танзертай барилдаж 18 секундэд цэвэр ялаад шөвгийн наймд үлдлсэн. Мөн дараагийн учраа Парагвай улсын Нарваез Габриелаг өчиж ялснаар шөвгийн дөрөвт үлдсэн. Улмаар зооны аваргын төлөө Испанийн Мартинез Абелендатай барилдаж, нэмэлт цагт ялснаар аваргын төлөө барилдах эрхтэй болсон юм.Б.Баасанхүү Олимпын алтан медалийн төлөө "Ханжоу-2022” Азийн наадмын аварга, “Доха-2023” Дэлхийн аварга шалгаруулах тэмцээний алтан медальт Цунадо Нацумитай өрсөлдөж, ялагдсанаар "Парис-2024" Олимпын наадмын мөнгөн медальтан болсон.Б.Баасанхүү олимпын мөнгөн медаль хүртсэн Монгол Улсын 12 дахь тамирчин, жүдо бөхийн спортын түүхэнд 5 дахь мөнгө, түүн дотроо эмэгтэй жүдочдын олимпын мөнгөн медальтай хоёр дахь бөх болсон байна.
Эх сурвалж:www.zms.mn
