Холливудын оддын нэг Николас Кейж Англид тун даруухан амьдарч байна. Тэрээр 49 насныхаа төрсөн өдрийг ч сүр дуулиан болгож тэмдэглэхгүй, эхнэртэйгээ хоёулаа өдрийг өнгөрүүлжээ. Америк, Английн хооронд ирэн очин амьдардаг жүжигчин төрсөн өдрөөрөө ойролцоо нь оршин суудаг Гластонбери хотын дэлгүүр хоршоогоор орж, эхнэртэйгээ хамт хооллосон байна. Британид хэд хэдэн байртай тэрээр ажлын шаардлагаар Америкт очдог ч Англи зүрх сэтгэлийг нь байнга татдаг хэмээн ярьдаг юм. Тэрээр одоо Англид эхнэр Алис Ким болон долоон настай хүүтэйгээ хамт амьдарч буй.  Өмнө нь, Лиза Мэри Пресли, жүжигчин Патрисиа Аркитте нартай гэрлэж байсан тэрээр 2004 онд Алис Кимийг Лос Анжелост зоогийн газрын зөөгчөөр ажиллаж байхад нь танилцан, гэрлэсэн юм.