Дуучин Жастин Биберийн амь насанд халдах төлөвлөгөөг цагдаагийнхан илрүүлсэн гэнэ. Мексикийн шоронгийн хоригдол Дана Мартин гэгч Марк Стааке болон түүний үеэл Таннер Руан хэмээх хоёр хүнийг хөлсөлж Жастин Биберийг хороох захиалга өгсөн аж. Дана Мартин нь Жастин Биберээр өвчилсөн нэгэн бөгөөд хөл дээрээ түүний төрхийг шивүүлсэн байдаг гэнэ. Гэвч чухам яагаад шүтдэг дуучнаа хороох санаа төрсөн нь одоогоор тодорхойгүй байна. Хүн амь, хүчингийн хэргээр 978 жилийн хорих ял авсан энэ хүнд гэмт хэрэгтэн нийтдээ дөрвөн хүний амийг хороолгохоор захиалга өгсний нэг нь Жастин Бибер байжээ. Төлөвлөгөө ёсоор бол өнгөрсөн сарын сүүлээр Нью-Йоркт болсон тоглолтынх нь үеэр залуу дуучныг хөнөөх ёстой байсан гэнэ. Гэвч яагаад ч юм тэдний төлөвлөгөө бүтэлгүйтэж, энэ тухайгаа ярьсан утасны бичлэгийг ч цагдаагийнхан олсон байна. Харин Жастин Бибер энэ талаар ямар нэг мэдэгдэл хийгээгүй байна.
