Оддыг тойрсон элдэв шуугиан өнөө хэр нь хүмүүсийн хамгийн их сонирхдог сэдэв хэвээр байгаа. Хэдийгээр нэр алдарт гарахын тулд элдэв дуулиан шуугианы бай болдог ч зарим нь амьдралынхаа нэг хэсгийг болдогсон бол арчаад хаяхсан хэмээн мөнхөд мөрөөдөж байдаг. Америкийн эрчүүдэд зориулсан алдартай сайт Manolith Холливудын 10 хачирхалт нууцыг дэлгэжээ.

Сталлоне порно од байлаа

“Рокки” киногоороо Холливудыг донсолгож байсан алдарт Сильвестер Сталлоне анх порно кинонд тогложээ. “Киттигийнд өнгөрүүлсэн үдэш” нэртэй кино дараа нь мөн л “зөвхөн насанд хүрэгчдэд” гэсэн хэд хэдэн кинонд тоглосны ачаар найруулагчдын анхаарлыг татаж чадав.
Харин ”Рокки” кино нь төсөөлж ч байгаагүй амжилтад хүрсэн учраас найруулагч нь бушуухан “ Итали унага” нэртэй гарч байсан киног нь прокатаас хураалгасан байна. Сүүлд нь Сталлоне энэ тухай дурсахдаа “Сексийн хувьд цангаж байсан үе л дээ”, гэхдээ бушуухан өөр ажил олох хэрэгтэй гэдгээ мэдэрсэн л шүү гэжээ.


Жек Николсоны ээжийг хэвлэлийнхэн олжээ

Жек Николсоны ээж нь түүний эгч байсан гэнэ. Холливудын алдарт жүжигчин Жек Николсон 1936 онд төрсөн ч түүний түүх магадгүй Мексикийн савангийн дуурийн сайхан зохиол болохоор. Тэр хэзээ ч аавыгаа мэдэхгүй. Эцэг нь жирэмсэн ээжийг нь хаяад явсан гэдгийг л сонсч байсан аж.
Түүний шөнийн клубт ажиллаж байсан ээж нь бяцхан хүүгээ хорвоод мэдлэхэд төрсөн ээждээ өргүүлсэн байна. Гэхдээ хүүгээс хэн нь түүний ээж вэ гэдгийг нууж. Гучин нас хүртлээ тэр өөрийнхөө эгчийг төрсөн ээжээ гэж мэддэггүй байв. Харамсалтай нь Time сэтгүүлээс өөрийнхөө жинхэнэ ээжийн тухай олж уншсан гэдэг. 1974 онд тэрээр энэ мэдээг анх сонсоход ээж нь эмээ нь нас барсан байлаа.


Загалмайлсан эцэг шоронгоос төржээ

Дон Кинг америкийн боксын загалмайлсан эцэг гэгддэг нэр алдрын оргилд хүрсэн энэ эрийг хоёр ч хүний амь насанд хүрсэн гэдгийг хэн ч мэддэггүй байлаа. Эхнийх нь Кинг 1954 онд буудаж алжээ. Тэр нь гудамжны хулгайч байсан учраас Кингийг шүүхээс цагаатгасан байна. Харин хоёр дахь нь 1966 онд түүнээс 600 ам.доллар зээлсэн бас л гудамжны тэнүүлч эр байв. Үүнийхээ төлөө тэрээр шоронд дөрвөн жил ял эдэлсэн гэдэг.


Вайнона Райдер бол шаргал үст

Америкийн алдарт жүжигчин Оскарт хэд хэдэн удаа нэр дэвшсэн энэ бүсгүй олны өмнө хэзээ ч шаргал үстэйгээр гарч байсангүй. Тиймээс Холливудын үзэсгэлэнт бор үст эмэгтэй гэдэг билээ.

Түүнийг шаргал үст гэж хэн ч мэддэггүй. Учир нь тэрээр хүүхэд байхдаа л үсээ бор өнгөөр будуулсан юм байна.  Тэр өөрийнхөө “ориг” үстэйгээр”Хайчин гарт-Эдвард ” кинонд тоглосон гэдэг.


Өргөмөл Николь Ричи

Тэрээр Пэрис Хилтонгийн найз, реалити шоуны од гэдгээсээ гадна домогт Лайонела Ричийн охин гэдгээрээ бүүр ч алдартай билээ. Гэвч тэрээр түүний төрсөн биш өргөж авсан охин гэнэ. Николь Ричийн төрсөн эцэг нь Лайонела Ричигийн хамтлагийн нэг гишүүн
Аавыгаа нас барахад охин дөнгөж 2 настай үлджээ.  Тэр үед ээж нь Лайонелагийн гэрт нь  үйлчлэгч хийж, туслахаар ажиллаж байв.  Тиймээс Лайонела Ричи болон эхнэр Брэнди хоёрын саналыг зөвшөөрч охиноо тэдэнд өргүүлжээ.  Харин Николь Ричи одоо ч төрсөн ээжтэй холбоотой байж эргэж тойрдог гэнэ.


Эцгээсээ нуусан ч хэвлэлээс…

Жанет Жексон найман жилийн турш нөхөртэй гэдгээ нууж байсан гэнэ. Яруу найрагч, хөгжмийн продюсер Рене Элизондотой хэдийгээр хууль ёсны эхнэр нөхөр байсан ч хэвлэлийнхэнд бид бол жирийн л найзууд гэдэг байв. Гэвч Жанет паспорт дээрх тамгаа ааваасаа нууж чадсан ч шар хэвлэлээс нууц чадаагүй гэдэг.
Харин сүүлд нь тэднийг 1991 онд албан ёсоор гэрлэсэн, гэхдээ салах үедээ бие биеэ гомдоосныг ч хэвлэлийнхэн дэлгэсэн гэдэг. Жанетын “Rolling Stone “-д зориулсан алдарт зурагт хуудас дээрх түүний хөхийг далдлах гар бол Ренегийнх гэнэ.


Гэрч

Шарлиз Терон ээж нь аавыг нь хэрхэн алахыг нүдээрээ харсан гэдэг. Өмнөд Африк гаралтай үзэсгэлэнт жүжигчин маань төрсөн эцгийнхээ үхлийг өөрийн нүдээр харсан гэрч болж  байжээ.
Хэдийгээр тэрээр өөрийн эцгийг автомашины ослоор өнгөрсөн хэмээн баталдаг байсан ч хожим нь ээж нь түүний нүдэн дээр аавыг нь алсан гэдгийг хүлээн зөвшөөрчээ. Шарлизын аав жинхэнэ архичин байсан төдийгүй ээжийг нь байнга айлган сүрдүүлдэг байж. Түүнийг 15 настай байхад эцэг нь бас л согтуу ирээд элдвээр аяглаж ээжид нь гар хүрчээ. Харин энэ үеэр нь ээж өрсөөд түнийг хөнөөсөн аж. Шүүхээс аргагүй хамгаалалт гэж үзэн ээжийг нь сулласан гэнэ.


Дээрэмчин аавыгаа номхотгох хүсэл

“Хүн аалз” буюу жүжигчин Тоби Магуайро хүүхэд байхын супер баатар болохыг мөрөөддөг байв . Учир нь түүний аав ч банкны дээрэмчин байжээ. Аавынхаа энэ гэмт хэргийг зогсоохыг хүү үргэлж мөрөөдөж, супер баатар болно гэж итгэдэг байсан гэдэг.  Түүний аав Винсент 1993 онд банк дээрэмдэн хйор жилийн ял авч байсныг тэрээр Холливудад орчихоод нуух гэж хэрэндээ хичээдэг байлаа.


Опра 14 насандаа хүүхэд төрүүлжээ

Телевизийн алдарт хөтлөгч Опрагийн хүүхэд нас жинхэнэ асуудал дүүрэн өнгөрсөн гэдэг. Тэр 13 настайдаа ээжээсээ мөнгө нь хулгайлаад гэрээсээ зугтсан ч 14 насандаа жирэмсэн болж, хүүхэд төрүүлсэн аж. Гэвч хүүхэд нь удалгүй нас барж, ахиад хэзээ ч ээж болохгүй гэж өөртөө амлажээ.
Тэр үед Опра найз бүсгүйдээ хүүхдийнхээ эцгийг ч мэдэхгүй байна гэж хэлсэн гэдэг.

 
Алуурчин аавын хүү

Америкийн алдарт жүжигчин Вуди Харрельсон “Төрөхийн алуурчин” киногоороо бүх ертөнцийг алмайруулсан. Харин түүний эцэг Чарльз бол жинхэнэ мэргэжлийн алуурчин байжээ. Тэрээр Колорадогийн нэгэн чанга дэглэмтэй шоронд хоригдож байгаад өнгөрсөн гэдэг. Шүүх хурлын явцад 1960 онд 10 гаруй захиалгат аллага хийснээ хүлээн зөвшөөрсөн гэдэг.