Олимпын хүрэл медальт, дэлхийн аварга С.Батцэцэг эмч нарыг зодлоо хэмээн Баянгол дүүргийн цагдаад гомдол ирсэн гэнэ. Гэтэл хэрэг эмнэлэгт биш машины зогсоол дээр гарсан байна. Хоёр эмэгтэй, нэг эрэгтэй эмч машины зогсоол булаацалдан С.Батцэцэгтэй маргасан гэнэ.
Хамгийн хачин нь эмч хүний амнаас гарамгүй үгсээр олимпын медальтанг маань доромжилж бүүр биед нь хүрсэн гэнэ. Эмч нар маань телевиз үздэггүй байсан бололтой гавьяат тамирчинг маань янхан хэмээн “эндүүрчээ”: Өт хүртэл биедээ хүрэхээр өрвөлздөг болохоор гавьяат маань эмч эрийг дархан мэхээрээ давхар хамж, гомдоосон гэнэ.
“Аймаар” эмэгтэйтэй таарсан эмч нар бушуухан утас шүүрэн цагдаад мэдэгдэж гомдол гаргаснаар гавьяат тамирчин хүн зодсон хэргийн эзэн хэнгэрэгийн дохиур болоод байгаа аж.
