Найз залуугаа үе үе сольдог Тэйлор Свифт “One direction” хамтлагийн Харри Стайлстай хамтдаа нэг шөнийг зочид буудалд өнгөрүүлсний дараа тэд хосууд гэдэг нь үнэн гэдэгт хэн ч эргэлзэхээ болив. Үүнээс өмнө тэд Нью-Йоркийн Централ паркт болзож, ямар нэг холбоотой болсон гэдэг нь илэрхий байсан ч тэд үүнийг үгүйсгэж, зүгээр л найзууд хэмээн мэдэгдэж байсан билээ.
Харин өчигдөр “One direction” хамтлагийн тоглолтын дараахь үдэшлэгт Тэйлор Свифт уригдан очсоны дараа тэд шөнийн дөрвөн цагт Манхаттэний нэгэн зочид буудалд хамтдаа орж, өглөө нь тус тусдаа гарч оджээ. 
Тэднийг менежерүүд, хамгаалагчид нь ирж авцгаасан бөгөөд хувцсаа ч сольж амжсан байжээ. Тэйлор Свифт 22 настай бол түүний шинэхэн найз залуу Харри 18-тай юм. Тэйлор Свифт ердөө сар хүрэхгүй хугацааны өмнө 18 настай Коннор Кеннедигээс салсан билээ. Каунтри одын өмнөх найз залуучууд нь дуучин Жон Мэйер, жүжигчин Жэк Гилленхал, өсвөр үеийнхний шүтээн болсон Жое Жонагаас эхлээд АНУ-ын элит гэр бүл Кеннедигийнхний ач Коннор гээд нэлээд урт үргэлжилнэ. 
Шөнийн дөрвөн цагт тэд зочид буудал руу хөтлөлцөн оржээ
Тэд зочид буудлаас тус тусдаа гарч ирэв
Өмнөх болзоо
