Ховд аймгийн БОЭТ-д шаардлагатай аппарат тоног төхөөрөмжийг шийдвэрлэлээ

Залуучуудын хөгжлийг дэмжих, залуу гэр бүлийг орон сууцжуулах бодлогыг хэлэлцэв Нийслэл-385” менторшип хөтөлбөр үр дүнгээ хэлэлцэж, хаалтаа хийлээ Баянзүрх дүүргийн хэмжээнд цас хусах, давс бодис цацах ажил хийгдэж байна “Үндэсний бичгийн цэвэр бичигтэн” шалгаруулах уралдааны шилдгүүд тодорлоо Халтиргаа гулгаанаас үүдэлтэйгээр толгойн гэмтэл, мөчдийн хугарал зонхилон тохиолдож байна Дэд ахлагч Б.Марал пауэрлифтингийн ДАШТ-ээс хүрэл медаль хүртлээ Улаанбаатар-Мандалговь чиглэлийн авто замд цасан шуургатай, үзэгдэх орчин хязгаарлагдмал байна I, II ангийн сурагчдын амралт арванхоёрдугаар сарын 23-нд эхэлнэ Засгийн газар хуралдаж байна "Болор цом 42”яруу найргийн наадамд яруу найрагч А.Лхагва түрүүллээ

Tsolmon

2021-8-20

Монгол Улсын Шадар сайд, УОК-ын дарга С.Амарсайхан Ховд аймгийн Бүсийн оношилгоо, эмчилгээний төвд ажиллаж, цар тахлын үед авч хэрэгжүүлж буй хариу арга хэмжээний явцыг шалгалаа.

Ховд аймагт наймдугаар сарын 18-ны байдлаар Коронавируст халдварын нийт 3916 тохиолдол бүртгэгдсэнээс өдгөө эмнэлэгт 314 иргэн хэвтэн эмчлүүлж байгаа бол гэрээр 773 иргэн эмчилгээ хийлгэж байна. Вакцинжуулалтын тухайд аймгийн нийт хүн амын 80.8 хувь нь бүрэн тундаа хамрагдаад байгаагийн дотор 12-17 насны 6300 орчим хүүхэд байгаа аж.

Ковид-19-ийн дельта хувилбар тус аймагт бүртгэгдсэнтэй холбоотойгоор вакцингүй жирэмсэн эхчүүдийг хүндрэх эрсдэлээс сэргийлэхээр Амаржих газартаа хоёр тасагт нийт 40 ор тусгайлан дэлгэжээ. Мөн Ховд аймгийн Бүсийн оношилгоо, эмчилгээний төвийн Халдвартын тасаг болон 50 ортой Хүүхдийн эмнэлэгт нийтдээ 261 ор дэлгэн Ковидын эмчилгээ хийж байгаа бөгөөд эдгэрэлт 84.3 хувьтай, 6 хүн нас барсан байна. УОК-ын шийдвэрээр ХӨСҮТ-өөс томилогдсон Үндэсний зөвлөх багийн эмч мэргэжилтнүүд дельта хувилбар бүртгэгдсэн баруун аймгуудад ажиллаж, эмнэлзүйн шинж тэмдэг болон эмчилгээний удирдамж, мэргэжил арга зүйн зөвлөгөөг газар дээр нь өгч буй нь үр дүнтэй байгааг онцолж байв.

Наймдугаар сарын 1-нээс хойш эмнэлэгт хэвтэж буй өвчтөнүүдийн ар гэрээс эм, тариа авахуулахгүй байх Шадар сайдын тушаал шийдвэр БОЭТ-д амжилттай хэрэгжиж байгаа бөгөөд “Ремдесивир” зэрэг вирусийн эсрэг зарим эм саяхан хэсэг хугацаанд тасалдах үеэр гаднаас авахуулсан ч даатгалын сангаас нөхөн олгуулж эхэлжээ.

Цаашдаа БОЭТ-д 15 ширхэг хүчилтөрөгчийн өтгөрүүлэгч аппарат болон түргэвчилсэн оношлуурын нөөц бүрдүүлэх шаардлагатайгаас гадна эмнэлгийн зориулалттай алсын дуудлагын автомашин хэрэгтэй байгааг БОЭТ-ийн захирал П.Гэрэлсүрэн хэлсэн. Ковидын үеийн эмнэлгийн тусламж үйлчилгээг ард иргэдэд шуурхай хүргэх тал дээр Баруун бүсийн оношилгоо, эмчилгээний төв сайн ажиллаж байгааг Шадар сайд сайшаагаад, тус төвийн тоног төхөөрөмж, аппарат техник хэрэгслийн хүчин чадлыг сайжруулахад Засгийн газраас анхаарч багагүй хөрөнгө оруулалт хийснийг онцлов.

Шадар сайд С.Амарсайхан “Эхний ээлжинд нэн шаардлагатай байгаа 10 ширхэг хүчилтөрөгчийн өтгөрүүлэгч аппаратыг шийдэж өгье. Дараа дараагийн асуудлыг шат дараатайгаар зохицуулалт хийнэ. Гэхдээ Бүсийн оношилгоо, эмчилгээний төв нь дэргэдээ Хүчилтөрөгчийн үйлдвэртэй учраас энэ давуу талаа ашиглан өндөр даралтын хүчилтөрөгчөөр эмнэлгүүдээ бүрэн хангах боломж нөхцөлийг бүрдүүлэхэд аймаг орон нутгаас анхаарал хандуулах ёстой. Цар тахлын үед эрүүл мэндийн салбарын хүний нөөцийн хомсдолоос эхлээд олон асуудал хаа сайгүй бий. Бүхнийг Засгийн газар, УОК шийднэ гэлгүй, орон нутаг боломж, нөөцөө зөв төлөвлөн хуваарилж, эрэмбэ дараатай ажлуудаа уялдуулан зохион байгуулах замаар хамтдаа хичээж даван туулах хэрэгтэй байна” хэмээв.

ЖИРГЭХ ХУВААЛЦАХ

0 Сэтгэгдэл