Шоубизийн ертөнцөд бас нэг алдартай хос мэндлэх нь бололтой. Оны эхээр дуучин Кэти Перригээс гэр бүлээ цуцлуулсан хошин шогийн жүжигчин Рассель Брэнд “Spice Girls” хамтлагийн Жери Халливелтай болздог болсон гэнэ. Олимпын хаалтын ёслолд оролцсон хоёр од тайзны ард уулзаж, зургаа авахуулан, утасны дугаараа солилцжээ. Түүний хойш тэд хэд хэдэн удаа болзоонд явсан гэнэ. Гэхдээ тэдний харилцаа жирийн найзуудынхаас хэтрэхгүй гэж Жери Халливелийн найзууд хэвлэлд ярьсан байна. Гэвч паппарацуудын дуранд өртсөнөөр бол тэдний харилцаа найзуудынхаас хэдийнэ давсан гэнэ. Рассель Жери Халливелийн охинтой хүртэл танилцаад амжсан байна. Жүжигчин Рассель одоо 37 настай бол Жерри энэ жил 40 хүрч байгаа юм.