Чикагогийн мафийн толгойлогч байсан зартай дээрэмчин Аль Капонег байцаасан протокол болон бусад алдартай дээрэмчдийн эдлэж хэрэглэж байсан зүйлсийг Америкийн “PRAuction” дуудлага худалдаанд оруулах гэж байна.
1925 онд Жон Торрио гэгч гангстерийн аллагын хэргээр Ал Капонегоос гэрчийн мэдүүлэг авч байсан 50 протокол нэгдүгээрт тавигдаж байгаа аж. Энэ протоколын дөрвөн нүүрэн дээр алдартай гангстер эр өөрийн гараар Alphonse Capone гэж гарын үсгээ зурсан байгаа аж. Энэ протоколыг 100 мянган ам.доллараар зарна гэж төлөвлөөд байгаа аж.
Америкийн хамгийн алдартай дээрэрчин хос болох Бонни ба Клайд хоёрын хэрэглэж байсан Колт загварын хоёр гар буу тус бүрийг 200 мянган доллараас эхлэн дуудах аж. Үүнээс гадна Боннигийн торгон оймс, косметикээ хийдэг байсан сав, Клайдын халааснаас авсан мөнгөн зоос, халаасны цагийг нь мөн дуудлага худалдаагаар оруулна.
Америкт ер нь байсхийгээд л 20 дугаар зууны эхний хагас амьдарч байсан зартай дээрэмчдийн эд зүйл, амьдарч байсан байр савыг дуудлага худалдаанд оруулдаг. Жишээлэхэд, энэ сард Аль Капонегийн унадаг байсан “Кадиллак” загварын хуягласан машиныг 215 мянган ам.доллараар зарж байсан.
