Тээврийн цагдагийн алба төр, ард түмнийхээ өмнө өргөсөн тангарагтаа үнэнчээр зүтгэж яваад алтан амиа алдсан цагдаагийн гавьяат үйлстнүүдийг дурсаж хүндэтгэх үйл ажиллагааг 2019 оны 07 дугаар сарын 17-ны өдөр тус албаны төв байранд зохион байгууллаа.

Энэхүү үйл ажиллагаанд Тээврийн цагдаагийн албаны удирдлагууд болон цагдаагийн албанд шинээр орсон алба хаагч, амь үрэгдсэн алба хаагчдын гэр бүлийн төлөөлөл оролцож хүндэтгэл үзүүлжээ.

Тус алба энэ өдрийг 2007 оноос эхлэн албан үүргээ гүйцэтгэж яваад алтан амиа алдсан алба хаагчдаа дурсан санах өдөр болгон өдгөө 12 дахь жилдээ тасралтгүй зохион байгуулж байгаа билээ.