Хотын шуурхай дээр KFC-гийн талаар МХГ-аас өчигдөр гарсан шинжилгээний хариуг танилцуулав. Зайсангийн kfc-гийн талаар иргэдээс анх 11-нд мэдээлэл ирж, 12-нд Хан-уул дүүргийн прокурорт хүсэлт гарган хаалгажээ. Тус салбар 28 ажилтантай бөгөөд хоёр ажилтан нь цусан суулга өвчний халдвартай мөртлөө эрүүл ахуйн бичгийг хуурамчаар хийж бичүүлсэн тул эрүү үүсгэх гэнэ. Мөн тогооч нь мэргэжлийн хүн биш байсан гэв. МХГ-аас авсан шинжилгээний хариугаар бол ундны уснаас нь өвчин үүсгэгч бактери илэрсэн аж. Тус салбар гүний худгаас усаа авдаг байсан бөгөөд ямар шалтгаанаар ус нь бохирдсон эсэхийг шалгаж байгаа юм байна.
Түүгээр ч зогсохгүй бүтээгдэхүүний дээж, материалууд нь өвчин үүсгэгч бактеритай байсан гэлээ. Одоогоор 42 хүн эмнэлэгт байгаа бөгөөд өнөөдрөөс бүтээгдэхүүний дээж нь шаардлага хангаагүй тул бүх салбарт нь урьдчилсан шалгалт хийхээр болсон байна.
