Агаарын чанарын албанаас гаргасан мэдээгээр өнөөдөр 09.00 цагийн байдлаар МҮОНРТ, 100 айл орчимд агаар хамгийн их бохирдолтой байна. Агаарын чанарын индекс 100 айлд 291, МҮОНРТ орчимд 317 буюу их бохирдолтой гэж гарчээ. Мөн Нисэх, Толгойт, Амгалан, Баруун дөрвөн зам, Баянхошуу орчимд агаар бага зэргийн бохирдолтой байна.



АЧИ 251-400 байх үед нийт хүн амын эрүүл мэндэд бага зэргийн сөрөг нөлөөлөл илэрч эхэлдэг байна. Харин хэт мэдрэг хүмүүсийн эрүүл мэндэд сөрөг нөлөөлөл хүндээр илэрдэг аж. Тиймээс иргэд онц шаардлагагүй бол гадагш гарахгүй байхыг зөвлөж байна.