Чөлөөт бөхийн залуучуудын Европын хошой аварга Буриадын хагас хүнд жингийн бөх Юрий Власко өнгөрсөн жил 20-хон насандаа бусдын гарт хэрцгийгээр амь үрэгдсэн билээ. Түүний дурсгалыг хүндэтгэж ОХУ-ын Буриадын чөлөөт бөхийн холбоо арваннэгдүгээр сарын 16-17-нд 23 хүртэлх насны залуучуудын ОУТ-ийг Улаан-Үд хотод зохион байгуулах гэж байна. Манай улсаас ОУХМ Г.Амархүү (Сэлэнгэ), Д.Цогтбаатар (Алдар), спортын мастер Ё.Батдархан, Б.Цогтгэрэл (Дархан-Уул, Хасу-Мегастарс) нарын удирдлага дор ОУХМ Н.Насанбуян, Ц.Цогбадрах, Н.Насанбуян, спортын мастер Х.Хишигбат, С.Билгүүн, Г.Ханбүргэд, Л.Батбаяр, Г.Чойгажид, Б.Түмэнцогт тэргүүтэй “Хасу-Мегастарс”, “Арслан”, “Женко”, “Алдар” спорт хороо, Сэлэнгэ, Орхон аймаг, МУБИС-ийн нийт 42 тамирчин оролцохоор Буриадад очоод байна.