Бүх нийтээр тэмдэглэх баярын болон тэмдэглэлт өдрүүдийн тухай хуульд жил бүрийн өвлийн тэргүүн сарын 1-нийг Их эзэн Чингис хааны мэндэлсэн өдөр буюу “Монгол бахархлын өдөр” хэмээн тэмдэглэж байхаар заасан билээ. Энэ жил Их эзэн Чингис хааны мэндэлсний 856 жилийн ой тохиож буй. Энэ өдөр нь энэ жил арваннэгдүгээр сарын 8-ны пүрэв гарагт тохиож байгаа билээ.  Хуулийн дагуу энэ өдөр бүх нийтээр амрах учиртай. Тэгвэл Засгийн газраас дөнгөж сая Бүх нийтийн тэмдэглэлт баярын өдрөөр хоёр өдөр амрах тухай шийдвэр гаргасан байна. Тодруулбал, 11 дүгээр сарын 8, 9-ний өдрийг амралтын өдөр болголоо. Жил бүр улс орныхоо тусгаар тогтнол, бүрэн эрхт байдал, үндэсний эв нэгдлийг бататган бэхжүүлэх, төрт ёс, түүх соёлынхоо уламжлалыг гүнзгий судалж, хойч үедээ өвлүүлэх, тэдгээрийг дэлхий дахинд сурталчлан таниулах үйлсэд үнэтэй хувь нэмэр оруулж, төр, нийгэм, үндэстний өмнө онцгой гавьяа байгуулсан нэг иргэнийг энэ өдөр Монгол Улсын Ерөнхийлөгч “Чингис хаан” одонгоор шагнадаг уламжлалтай билээ.