Арий үндэстнийг дэлхийн дээд төрөлтөн гэж үзэж нацизмыг туйлд нь хүртэл хөгжүүлсэн гэх Адольф Гитлер төрөлх немц хэлэндээ тун ч тааруухан байсныг шотландын Абердины их сургуулийн эрдэмтэд тогтоосон байна. Тэд фюрерийн дэлхийн нэгдүгээр дайны үед 1916 онд цэргийн эмнэлэгт байхдаа бичсэн ил захидлыг судлаад ийм дүгнэлтэд хүрчээ. Судлаачдад байгаа ил захидлыг нацист германы ирээдүйн удирдагч шархдаад хэвтэж байхдаа Мюнхений нэг эмнэлгээс бичжээ. Хэдхэн өгүүлбэр бүхий энэ ил захиадал дээр аугаа удирдагч зөв бичгийн хангалттай олон алдаа гаргажээ. Тэрээр немцийн "sofort" гэдэг үгийг хоёр ч “f”-тэй бичсэн байх жишээтэй.
1916 онд Гитлер 27 настай байж. Судлаачдын үзэж байгаагаар бол ийм насанд зөв бичгийн дүрэм гаргана гэдэг байж болшгүй зүйл аж. Зөв бичгийн ийм алдаа бол насанд хүрсэн хүнд байтугай тавдугаар ангийн хүүхэд ч ичмээр зүйл. Гитлер уг нь энэ ил захидлыг хамт алба хааж байсан Ланцхаммер гэдэг цэрэгт тун удахгүй фронтдоо эргэн очно гэдгээ илэрхийлж бичсэн аж.
Шотландын эрдэмтэд үүнээс үүдээд фюрер өөрөө бичиг үсэгт тааруухнаас болоод тушаалаа өөрийн гараар бичдэггүй бичээчид байнга хэлж бичүүлдэг, байж гэсэн дүгнэлт хийжээ.
