Аргын тоолол: 2018.9.14, Баасан гараг
Билгийн тоолол: Намрын дунд Цагаагчин Тахиа сарын 5. Сугар гараг. Нэг цагаан мэнгэтэй, Хонхорцог одтой, Шарагчин Тахиа өдөр.
Наран ургах шингэх: 06.28-19.05
Үс засуулбал: Эд, мал арвижна
Барилдлага: Түлэх
Шүтэн барилдлага: Мунхрахуй
Суудал: Шороо
Тухайн өдөр үхэр, могой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, хагалгаа хийлгэх, буг дарах, газрын ам бооход сайн. Мод суулгах, нарийн чанд зөвлөгөөн хийх, байшингийн суурь тавих, угаал үйлдэхэд муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун зүгт мөрөө гаргавал зохистой.
Баруун чих хангинавал эхнэртэй учрах, зүүн нь бол идээ ундаа олдох, нохой уливал гэнэт зочид ирэх болой.
