Худалдаачид өлсгөлөн зарлах болсон талаар Монголын худалдаачдын холбооноос өнөөдөр мэдээлэл хийлээ.

"Худалдаачид бид Монгол Улсдаа наймаа эрхэлж амьдарч буй 300-400 гаруй мянган иргэдийнхээ нийгмийн асуудал өнөөгийн нөхцөл байдлыг судлан зохицуулаад дараах арга хэмжээнүүдийг авч хэрэгжүүлэхийг шаардсан. 7 заалт бүхий шаардлагыг 2017 оны арваннэгдүгээр сарын 28-нд МАН-д хүргүүлсэн боловч өнөөдрийг хүртэл хариугаа аваагүй. МАН-ын дарга, Монгол Улсын Ерөнхий сайд У.Хүрэлсүхэд бараалхах хүсэлтээ гаргасан. Өнөөдөр бид 10 дахь хоног дээрээ Тусгаар тогтнолын ордны гадаа үүдэнд нь улстөрийн суулт хийж байна. Монгол Улсын нийгэм, эдийн засгийн байдал хүндэрсэн, ажилгүйдэл, ядуу иргэдийн тоо нэмэгдэж, худалдаа эрхлэгчдийн ашиг орлого багасаж буй энэ цаг үед төр засгийн бодлого худалдаа наймаа эрхлэгч бидэнд маш хатуу хандаж байгааг эсэргүүцэж байна. 

Өр, зээл, түрээс, хүү, алданги, цагдаа, төрийн албаныхны, мөнгө хүүлэгчдийн төрөл бүрийн дарамтад өглөөнөөс үдшийн бүрий хүртэл өөрсдийн хүчээр нийгэм, эдийн засгийн баталгаагаа хангахаар хөдөлмөрлөдөг. Монголын худалдаачдын сэтгэл зүтгэлийг дэмжихийн оронд нухчин дарахаар гудамжныхан, гуйлгачин, дамын наймаачин, панзчин гэх мэтээр харьцан доромжилж байгааг бид тууштай эсэргүүцэх болно.Монголын худалдаачин бид МАН-аас Үндсэн хуулийн хоёрдугаар бүлгийн 19-т заасны дагуу иргэний өмнө хүлээсэн төрийн үүргийг биелүүлэхийг шаардаж суулт хийж байгаа. Хэрвээ Үндсэн хуулиар хүлээсэн үүргээ биелүүлж чадахгүй юм бол МАН тарах ёстой.  МАН хувиараа худалдаа эрхлэгч иргэдийнхээ нийгмийн асуудлыг хэрхэн шийдвэрлэх тухай бодлого юу ч байхгүй гэдгийг та бүхэн мэдэж байгаа гэлээ. 

Ингээд Монголын худалдаачид бид дараах шаардлагыг хүргүүлж байна. Үүнд:

МАН-ын дарга, Монгол Улсын Ерөнхий сайд У.Хүрэлсүхийг 2018 оны есдүгээр сарын 1-ний дотор Монголын Худалдаачдын холбооны төлөөлөгчидтэй уулзалт зохион байгуулахыг шаардаж байна. Уулзалтыг олон нийтийн өмнө нээлттэй зохион байгуулах ёстой.

Хэрвээ энэхүү шаардлагыг эс биелүүлбэл бид МАН-ын гадаа зохион байгуулж байгаа улстөрийн суултаа тэмцлийн хурц хэлбэрт шилжүүлж 2018 оны есдүгээр сарын 1-ний өдрөөс эхлэн улстөрийн өлсгөлөн зарлах болно гэдгээ албан ёсоор мэдэгдэж байна.Хэрвээ энэхүү шаардлагыг эс биелүүлбэл бид МАН-ын гадаа зохион байгуулж байгаа улстөрийн суултаа тэмцлийн хурц хэлбэрт шилжүүлж 2018 оны есдүгээр сарын 1-ний өдрөөс эхлэн улстөрийн өлсгөлөн зарлах болно гэдгээ албан ёсоор мэдэгдэж байна.Үр хүүхэд, эх орныхоо төлөө сэтгэл шулуудан тэмцэж, Монгол эмэгтэйчүүдийн эр зориг ямар байдгийг бид харуулна" гэлээ.

"Бид удаа дараа 5 дахь удаагаа хүсэлтээ өгч байна. Хүсэлтийн 2 удаад нь намайг хүний тоогоо өгөөгүй гээд, прокуророос шалга гээд араас нэхээд байгаа. Өдөр болгон ирж байцаалтаа өг гэдэг.Намайг яасан гэж байцаах гээд байгаа юм. Би өнөөдөр зүгээр л үг хэлж, үзэл бодлоо илэрхийлсэн худалдаачин хүн. Намайг барьж хорих гээд байгаа юм уу. Би айхгүй ээ. Намайг хорих ямар ч үндэслэл байхгүй. Би тэдэн шиг хулгай, луйвар хийж, эх орноо худалдаагүй. Би ширхэг бохь, чихэр л зарсан хүн. Би Ц.Нямдоржид хандаж хэлмээр байна. Танай цагдаа, прокурорынхон бидний эрч хүчийг сулруулж, мохоож чадахгүй. Бид хийсэн тэмцлээсээ ухрахгүй" гэлээ.