Арилжааны банкуудыг дахин хөрөнгөжүүлхэд 500 тэрбум төгрөг хэрэгтэй хэмээн Монголбанкны ерөнхийлөгч хэлсэн удаатай. Энэ мөнгийг хаанаас хэрхэн гаргаж авах арга замыг дээрх хуулиар тогтоож өгсөн байна. Үүнийг бүрдүүлж өгөхийн тулд банкны харилцагчид халаасаа эргүүлж, байдгаа барих хэрэгтэй болж байна. Иргэд, зээлдэгч нар “Банк л тогтвортой бол бид яахав” хэмээх марафон эхэлж байна гэсэн үг. Үүнийг “Банкны салбарын тогтвортой байдлыг хангах тухай хууль нь банкны харилцагч хадгаламж эзэмшигчдийн хөрөнгийг хамгаалах үүднээс банкны салбарын төлбөрийн чадварыг бэхжүүлэх, санхүүгийн салбарын тогтвортой байдлыг хадгалах, улмаар эдийн засгийн өсөлтийг дэмжих зорилготой. 

Банкны салбарт хийгдсэн активын чанарын үнэлгээгээр өөрийн хөрөнгийн хүрэлцээний зохистой харьцааг хангаагүй, системд нөлөө бүхий банкны хувьцаа эзэмшигчдэд өөрийн хөрөнгийн дутагдалыг нэн тэргүүнд өөрийн нөөц бололцоогоор хангуулах, төрийн оролцооноос хувийн салбарын хөрөнгө оруулалтыг илүү хөхиүлэн дэмжих, тэргүүн ээлжинд хувийн хөрөнгө оруулагчдаас хөрөнгө босгох үйл ажиллагааг идэвхжүүлэх эрх зүйн орчинг уг хуулиар бүрдүүлсэн болно” хэмээн тайлбарлаж буй билээ.

Банкны салбарын уналтад орох гол шалтгаан хэт их зээл гаргасан гэдэг. Иргэдийн хэрэглээний зээл гэж эдийн засагчид ярьж буй.Тухайлбал, Монголбанкны судалгаанаас үзвэл энэ оны 1-р улиралд банкуудын гаргасан нийт зээлийн 19 .6 хувиар өссөн үзүүлэлт гарсан.  Энэ Монгол Улсын нийт эдийн засаг болоод иргэдийн амьдралд хатуу цохилт болж эхэлж буйг судаалчид хэл буй. Үүний цаана банкууд санхүүгийн хүндрэлд орж мөнгөний эрэлд гарсныг дээрх хууль давхар баталж байна. Ийм учраас банкыг дахин хөрөнгөжүүлэх тухай хуульчилсан луйвар биеллээ олжээ гэж хэлэхэд буруудахгүй.