Баянзүрх дүүргийн усан спортын төв удахгүй ашиглалтад орох гэнэ. Тус дүүргийн 21 дүгээр сургуулийн хойно барьсан тус төвийн барилгын ажил үндсэндээ дуусч, мэргэжлийн комисст хүлээлгэн өгөхөд бэлэн болжээ. Дээвэр дээрээ сагсан бөмбөгийн талбай бүхий, усан спортын төв нь дотроо фитнессийн өрөөнүүдтэй. 1,3 тэрбум төгрөгийн өртөгтэй босч буй энэхүү төвийг “Намуун дэвжих” ХХК-ийн барьж гүйцэтгэсэн байна. Манай улсад анх удаагаа барилгын дээврийг сагсан бөмбөгийн талбай болгон ашиглахаар барьж байгаагаараа онцлог аж. Эрүүл ахуйн хяналт өндөр шаарддаг бассейний усыг нь хүртэл хүчилтөрөгчөөр байнга ариутгаж байх технологи хэрэглэх юм байна.