Суурь буюу албан боловсрол нь тухайн улсын нийгэм, эдийн засгийн хөгжлийг дэмжиж буй эсэхийг OECD ба Эдийн засгийн хамтын ажиллагаа хөгжлийн байгууллагаас 3 жил тутам 15 настнуудыг хамруулан шалгадаг аж. Энэхүү шалгалтыг Финланд, Сингапур, Шанхай, Канад, Япон, Солонгос, Вьетнам зэрэг улс орнууд тэргүүлдэг байна.
Энэхүү томоохон судалгаанд оролцож, Монгол Улсын боловсрол дэлхийд хаана явааг тодорхойлох бэлтгэл ажил болгож, НИТХ, Нийгмийн хөгжлийн хорооны урилгаар ХБНГУ-ын Багшийн мэргэжил дээшлүүлэх институтийн захирал, Подстам Их сургуулийн доктор профессор Бернд Майер манай улсад айчлаад буцлаа.
Айлчлалын хүрээнд ноён Бернд Майер НИТХ-ын дарга С.Амарсайхан, БСШУС-ын сайд Ц.Цогзолмаа, НЗД-ын орлогч Ш.Анхмаа, НБГ-ын дарга Ж.Гантулга, МУБИС-ийн захирал Б.Мандах нартай уулзаж санал солилцсон байна.
Айлчлалын гол зорилго нь 2021 онд Монгол Улсын оролцох Олон улсын PISA шалгалтын талаарх мэдээллийг ЕБС-ийн 3000 багш нарт өгч, олон улсын сургалтын чиглэл, хандлага, сургалтын шинэ технологи болох даалгаврын соёлын талаар лекц унших зорилготой байжээ.
"Монгол Улс богино хугацаанд сургалтын арга зүй технологийг сайжруулж, багшийн мэргэжлээ дээшлүүлснээр тус шалгалтад ОУ-ын дунджаас дээгүүр оролцох боломжтой. Учир нь, Монголын ард түмэн боловсролыг үнэт зүйл гэж үздэг, багш нар нь суралцах, хөгжих их хүсэл эрмэлзэлтэй байгааг харлаа" гэж профессор Бернд Майер хэлсэн байна.
