Турк дахь Монгол оюутны холбооноос нэгэн сэрэмжлүүлэг гаргажээ. Үүндээ “Турк улсын Засгийн газрын доктор болон магистрын тэтгэлгийн бүртгэл эхэлсэн байгаатай холбогдуулан, тэтгэлэгт тэнцүүлнэ, бүртгэл хийнэ гэх мэт ашгийн төлөө хувь хүн албан байгууллагууд үйл ажиллагаа явуулж байгаа тул та бүхэн эдгээр хүмүүст хандаж хөрөнгө мөнгөний хохирол амсахгүй байхыг анхааруулж байна.
Турк улсын засгийн газрын тэтгэлэг нь ямар ч үнэ төлбөргүй онлайн хэлбэрээр (хаягаар) хувь хүн өөрийн материалаа бүрдүүлж явуулдаг бөгөөд тэнцэх магадлал ч өндөр байдаг.
Ямар ч орны Засгийн газрын тэтгэлэгт аль нэг албан байгууллага, хувь хүн хөндлөнгөөс оролцож хүн тэнцүүлэх боломжгүй, зөвхөн тухайн улсын Засгийн газраас томилсон бусдаас хараат бус ажлын хэсэг л бүртгүүлэгчийн анкетыг нягтлан үзэж дүн оноо, амжилт, шагнал урамшуулал, нийгмийн идэвхи гэх мэт олон шалгууруудыг харгалзан эцсийн хариуг гаргадаг болно.
Турк улсын Засгийн газрын тэтгэлэгт бүртгүүлэх сонирхолтой хүмүүс манай холбооны албан ёсны цахим хаягаар хандаж мөн холбооны байранд хүрэлцэн ирж, үнэ төлбөргүй мэдээлэл авах, бүртгүүлэх бүрэн боломжтой!!” гэжээ.
