Өнгөрсөн оны сүүлчээр манай эдийн засагт дефляц болж -0.3 хувьтай байсан. Тухайн үед энэ оны хагас жил хүртэл дефляц үргэлжилнэ. Харин оны сүүлчээр төгрөгийн ханшийн сулрах нөлөөгөөр үнийн ерөнхий түвшин өсөх хандлага бий гэсэн төсөөллийг эдийн засагчид хэлж байв. Монголбанк дефляц түр зуурын үзэгдэл. Удаан үргэлжлэхгүй инфляц 2017 онд зорилтод түвшин буюу 8 хувиас доогуур байна гэсэн төсөөлөл гаргаж байлаа. Тэгвэл өдөгөө инфляц 8.2 хувьд хүрэв. Монголбанк инфляцын энэ өсөлтөд санаа зовох зүйл биш. Учир нь үүний 70 хувь нь эрэлтийн гаралтай байгаа тул “урт насгүй” хэмээн тайлбарлаж буй. Нийлүүлэлтийн гаралтай инфляцад ам.долларын ханшийн өсөлт, ургац алдалт, автомашины татварын нэмэгдэл голлон нөлөөлсөн хэмээн үзэж байгаа юм. Харин эрэлтийн гаралтай инфляц өсвөл түүнийг онилсон бодлого хэрэгжүүлэх аж. Одоохондоо эдийн засаг сэргэж байгаа ч иргэд, аж ахуйн нэгжийн орлого төдийлөн нэмэгдэхгүй байгаа аж. Энэ нь эдийн засагт эрэлтийг нэмэгдүүлж бараа бүтээгдэхүүн, үйлчилгээний үнийг өсгөж хөөрөгдөхгүй байгаа аж. Иймд инфляцын түвшин цаашдаа зорилтод түвшин буюу 8 хувиас хэтрэхгүй байна хэмээн үзэж байна.
