Малчдад арьс, шир бэлтгэн нийлүүлсэн урамшуулал 2013 оноос олгож эхэлсэн. Тухайн үед Засгийн газрын тогтоолоор “Үндэсний боловсруулах үйлдвэрт арьс, шир бэлтгэн тушаасан хоршооны гишүүн малчин, мал бүхий этгээдэд мөнгөн урамшуулал олгох тухай журам” гарсан байдаг. Энэ журмын дагуу өнөөдрөөс эхлэн малчдад арьс ширний урамшууллыг олгож эхэллээ. Тодруулбал өнгөрсөн онд 64 мянга 255 малчны бэлтгэсэн 278 мянга 185 бодын шир, 2 сая 846 мянга 747 богийн арьс, нэхий, нийт 3.1 сая арьс, ширэнд 12.7 тэрбум төгрөгийн урамшуулал олгох болов.
Энэ мөнгийг Монголбанк дахь Малчин дансаар дамжуулан олгож байна хэмээн ХХААХҮ-ийн яамнаас мэдээллээ.
АРЬС, ШИРНИЙ УРАМШУУЛАЛ ОЛГОЛТ ӨМНӨХ ЖИЛҮҮДЭД:
Засгийн газрын 2015 оны 122 дугаар тогтоолоор шинэчлэн батлагдсан “Хонины ноос, тэмээний ноос бэлтгэж үндэсний үйлдвэрт тушаасан хоршооны гишүүн малчин, мал бүхий этгээдэд мөнгөн урамшуулал олгох тухай журам”-ын хүрээнд дараах урамшууллыг олгоод байна.
