Туркийн эрх баригчид Измир хотод олон улсын хүний эрхийг хамгаалах Amnesty International байгууллагын орон нутгийн салбарын тэргүүн Танер Кылычийг баривчлан саатууллаа хэмээн Reuters агентлаг мэдээллээ. Түүнийг 2016 оны зун Туркт болсон цэргийн эргэлт хийх оролдлогод оролцсон хэмээн саатуулсан байна. 

Кылычтэй хамт хүний эрхийн байгууллагын 22 ажилтныг бас саатуулжээ. 

Туркийн ерөнхийлөгч Тайип Эрдоган үүний өмнө Анкара цэргийн эргэлт хийх гэсэн шинэ оролдлогыг хэзээ ч тэвчихгүй гэж мэдэгдсэн. 

Туркийн Засгийн газрын мэдээлснээр бол  Зэвсэгт хүчний цэргийн хэсэг албан хаагч лалын номлогч Фетуллах Гюлений байгууллагад нэгдэн 2016 оны долдугаар сарын 16-нд улс орондоо цэргийн эргэлт хийхээр оролдсон юм. Өнөөдөр АНУ-д амьдарч байгаа номлогч өөрөө үүнийг няцаасаар байгаа ч Туркийн засаг захиргаа түүнийг буруутай хэмээн улсдаа шилжүүлж өгөхийг Вашингтоноос уриалсаар байгаа юм.