Н.БАТ
Францын нийслэл Парист дэлхийн 75 орны төлөөлөгч оролцсон “Палестиний талаархи” бага хурлаас Палестиныг тусгаар улс болгож, Израйлийн 1967 оны үеийн хилийг сэргээхийг уриаллаа.
Харин энэ бага хуралд Израйлийн ч, Палестины засаг захиргааны төлөөлөгч ч оролцоогүй байна.
Бага хурлын баримт бичигт Ойрхи Дорнодын хямралыг зохицуулахын тулд Израйлийн 1967 оны үед тогтоосон хилийн заагийг мөрдөх ёстой. Израйлийн суурингуудын талаарх НҮБ-ын Аюулгүйн зөвлөлийн шаардлагад талархаж байгаагаа тэмдэглэжээ. Харин Израйлийн тал энэ шаардлагыг биелүүлэхээс татгалзсан юм. Францын Гадаад хэргийн сайд Жана-Марка Эйрогийн хэлснээр Палестин, Израйльтай шууд яриа хэлэлцээр хийх учраа олохгүйгээс болоод Ойрхи Дорнодод энх тайван тогтоох асуудал гацаанд ороод байгаа гэнэ. “Ийм учраас 70 орны төлөөлөгч цуглаж, сөргөлдөгч талуудын хооронд шууд яриа хэлэлцээ сэргээх боломжийг хайж байна” гэж Францын сайд тэмдэглэжээ. Тэгвэл Израйлийн Ерөнхий сайд Биньямин Нетаньяху Парист ирэхээс татгалзаад энэ бага хурал Израйльд шахалт үзүүлж, улс орных нь эсрэг дүр эсгэсэн хуурамч шийдвэр гаргах гэж байна гэж мэдэгджээ. Израйлийн хувьд суурингуудаа байгуулсан газар нутаг, Дорнод Иерусалимыг өгөхийн эсрэг байгаа юм.
Палестины засаг захиргааны Ерөнхийлөгч Махмуд Аббас харин Францын санаачилгыг дэмжиж энэ бага хурлын дүнгийн талаар ярилцахаар Францын Ерөнхийлөгч Франсуа Олландтай ойрын үед уулзахаа амласан байна.
