Монгол Улсын дархан аварга, хөдөлмөрийн баатар, гавьяат тамирчин Б.Бат-Эрдэнэтэй ярилцлаа.
-Сайхан наадаж байна уу та?
-Сайхан та бүхэн сайхан наадаж байна уу. Юуны түрүүнд монголынхоо ард түмэнд болон Хан хэнтий нутгийнхандаа баяр наадмын мэнд дэвшүүлэх нь зүйтэй болов уу. Энэ жилийн баяр наадам дэлгэр сайхан болж байна. Олон түмний санаа сэтгэл тэнэгэр, хур бороо ихтэй сайхан зун болж байна. Бөхчүүдийн бэлтгэл сургуулилт өнгө их сайхан харагдаж байна. Миний хувьд Хэнтий аймгийн сумдын наадамд оролцоод өглөө ирлээ.
-Энэ жилийн бөхийн барилдааныг өөрийн бодлоор таамаглавал?
-Шинэ залуу бөхчүүд жил бүрийн наадмын өнгө төрхийг өөрчилж байна. Энэ жилийн хувьд ч гэсэн шинээр улсын цолтой бөхчүүд төрсөн сайхан наадам болох байх.Мөн Хан Хэнтийн залуу бөхчүүддээ нэлээн итгэл найдар тавьж байгаа. Бөхийн барилдаан бэлтгэлээс жаахан хол байгаа болохоор тэр нь энэ нь сайн барилдах болов уу гэсэн нарийн таамаг алга. Манай сургуулийн хүүхдүүд ч гэсэн сайн барилдах байх гэж найдаж байгаа.
-Энэ жилийн хувьд тавын даваанаас эхлэн бөхчүүд таван минутад багтаж ам авахаар болсон. Энэ тал дээр таны бодол ?
-Хувьдаа зөв гэж бодож байгаа.Түргэн шуурхай барилдах үүднээс ч гэсэн энэ нь зөв шийдвэр.
-Аваргын жил бүрийн наадмын дээлийг таны эгч урладаг гэж сонссон. Энэ жилийн хувьд ч гэсэн эгч тань урласан уу?
- Лхагваа хэмээх уран загварзохион бүтээгчийн урласан дээл. Намайг эд барилдах үед манай эгч миний дээлхийг урладаг байсан. Материалын хувьд цэвэр ноос. Энэтхэгт мөргөлөөр явж байгаад л авч байсан юм.
