Б.БАДРАЛ
Францын цахилгаан эрчим хүчнй 70 хувийг цөмийн цахилгаан станцууд боловсруулдаг онцлогтой. Гэтэл сүүлийн жилүүдэд экологийн төлөөх гэх мэт элдэв хөдөлгөөнийг дэмжигчдийн дарамт шахалтын улмаас Францын цөмийн цахилгаан станцуудын 58 блокооос 20-ыг нь хаагаад байгаа. Үүнээс болоод он гарсны дараах хүйтрэлийн үед Франц улс цахилгаан эрчим хүчний нийлүүлэлтээр нэлээд асуудалтай тулгарах тухай мэргэжилтнүүд анхааруулсан байна.
Дэлхийн цаг агаарын өөрчлөлтийн улмаас он гарах үеэр Францад онцгой хүйтэрнэ гэсэн тооцоо байгаа тул энэ мэдэгдэл олныг түгшээж байна. Хэрэв онцгой хүйтэрч жирийн хэрэглэгчид орон сууцаа халаах зорилгоор хэт их цахилгаан эрчим хүч зарцуулж эхэлбэл зохицуулагч компани нь 20 гаруй компаний цахилгааныг таслах шаардлагатай болох аж.
Францад байгаль орчин, экологийн нөхцөлийг хадгалах үүднээс олон тооны жижиг тосгон, орон сууцны хорооллын барилгуудыг нүүрс шатаадаг уурын зухаар халаадгийг зогсоож, цахилгаанаар халдаг төвөөр орлуулсантай холбоотойгоор цахилгаан эрчим хүчний хэрэглээ эрс нэмэгдээд байгаа. Гэтэл олон тооны хороолол, тосгодыг холбосон сүлжээний цахилгаан дамжуулах хүчин чадал ийм өндөр ачаалал даахаар төлөвлөгдөөгүй тул хөрш зэргэлдээ улсуудаас цахилгаан худалдаж авах явдал үүссэн байна. Өөрийн цахилгаан станцуудын ачааллыг нэмэгдүүлэхэд ачаалал даахгүйн улмаас элдэв бэрхшээл үүсч байгаа нь байдлыг улам таагүй болгож байгаа аж.
Жишээлбэл, Францын хойд нутагт байрладаг “Палюэль” цөмийн цахилгаан станц дээр осол гарсны улмаас гал унтраагчид зургаан цаг гаруй тасралтгүй арга хэмжээ авсны дараа унтрааж байв.
