The Walk Free Foundation сангийн илтгэлд дурдсанаар бол өнөөгийн Орос оронд 1 сая 48,5 мянган хүн боолчлогдон бусдын эрхэнд хөдөлмөр эрхэлж байна гэсэн нь нийт хүн амынх нь нэг хувь орчим болж байгаа юм байна.

Орос боолынхоо тоогоор дэлхийд 7 дугаар байрт орж байна

Global Slavery Index-ийн судалгаагаар манай дэлхий дээр 45,8 сая хүн боолын хөдөлмөр эрхэлж байгаагийн 58 хувь нь тавхан оронд амьдарч байгаа гэнэ. Энэтхэгт 18, Хятадад 3,3, Пакистанд 2,0, Баншладешт 1,5, Узбекстанд 1,2 сая хүн боолчлогдон бусдын эрхэнд хөдөлмөрлөж байгаа гэжээ.
Харин хүн амын нь тоонд харьцуулах юм бол Умард Солонгост нийт хүний нь 4,3 хувь боолын хөдөлмөр эрхэлж байгаагаараа дэлхийд тэргүүлж байгаа  юм байна. Хүн амын тоонд нь харьцуулснаар бол Орос 16 дугаар байранд орж байгаа гэнэ.

Өндөр хөгжилтэй орнуудад ч боолчлох явдал байсаар байгааг энэ тайлан илчилж байна. АНУ-д 57 мянга, Их Британид 11,7 мянга, Германд 14,5 мянган хүн байгаа гэжээ. Харин Люксембургт 100 боол амьдарч байгаа гэнэ.

Сүүлийн гурван жилд Оросын боолын тоо хоёр дахин нэмэгдсэн

2013 онд Орос улс 540 хүнийг боолчилдог гэдгээрээ дэлхийд 49 дүгээр байрт орж байж. Global Slavery Index-ийн судалгаагаар одоо орост боолчлогдож байгаа хүмүүс нь арми, шоронд  бие биендээ дарлагдан хүнд хөдөлмөр эрхлэх, биеэ үнэлэх, порнограф, бэлгийн  үйлчилгээ хийх, гуйлга гуйж эзэндээ мөнгө баялаг олж өгөх зэрэг хөдөлмөр эрхэлдэг байна.

Үүний зэрэгцээ боолчуудын хэдэн зууны туршид эрхэлж ирсэн Хөдөө аж ахуй, газар тариалан, барилга, оёдлын үйлдвэр, тоосгоны завод, ой мод, тэнгисийн хөдөлмөрт зүтгэдэг байна.

Оросын боолчлолын гол төв нь Москва, Санкт-Петербург

Оросын “Альтернативы” төслийн удирдагч Олег Мельников “Снобу” хэвлэлд өгсөн ярилцлагадаа орост боолчлолын гурван үндсэн хэлбэр байгааг хүлээн зөвшөөрчээ. Тэрээр хөдөлмөрийн, бэлгийн, гуйланчлалын боол бодит байдлаар хөдөлмөрлөж байна гэсэн байна. Тэрээр хөдөлмөрийн боолын тоо ойролцоогоор 20 мянга бол бэлгийн боол 70-150 мянга, гуйлгачин нь 40-100 мянга байгаа. Хамгийн аймшигтай нь гуйланчлалын боолчуудын дийлэнх нь бага насны хүүхэд байдаг гэжээ.

Ганцхан жишээ

Белорусын иргэн Николай Шпак гэгч  энэ эр Орост ажил эрж 2001 онд ирж. Храамсалтай нь ажил олгогч гэгч нь түүнийг мэхэлж боол болгон бусдад өгснө байна. Төрөл төрөгсөд нь түүний анхны өгсөн хаягаар утасдаад ч, захидал бичээд ч олддоггүй.
Харин Шпакийг Оренбург мужид загасны аж ахуйд ажиллуулдаг болж. Тосгоноос холгүй 5 км газарт жижигхэн байшинд түүнтэй хамт гэр бүлийн хоёр залуу бас амьдарч  ажиллаж байжээ. Боолын эзэн цагдаагийн нэг хурандаа хэд хоноод л нэг удаа талх, ойр зуурын идлэх юм дөхүүлж өгдөг. Тэр байшинд утастай ч тэр нь гадагшаа ярьдаггүй. Хурандаа л хааяа утасдаж “Та нар үхчихээгүй биз. Зүгээр үү” гэж асуудаг байж. Шпак тэр гурав хэд хэдэн удаа оргохыг оролдож цагдаагийн газарт очсонч тэд нь мөн л тэнд нь эргүүлэн аваачиж өгдөг байжээ. Ийн 10 жил өнгөрсний дараа Белорусаас төрөл төрөгсөд нь  хүний эрхийн байгууллагад хандаж эрэн сурвалжилснаар арайхийн суллагдсан гэдэг.

Боолчлолд эдийн засгийн хямрал, цэргийн мөргөлдөөн буруутай

Эдийн засгийн хямрал нь дотоодын цагаачлалыг дагуулж байна. Арай өндөр цалинтай ажил олохоор хөдөө нутгаас том хотуудыг чиглэсэн нүүдэл үргэлжилж байна. Дээрх “Альтернативы” байгууллагын үзэж байгаагаар бол Москвад хөдөөнөөс ирж байгаа хүмүүсийн 10 хувь нь боол болдог гэсэн байна.

Өөр нэг эх үүсвэр нь Украин болон Тусгаар улсуудын хамтын нөхөрлөлийн буюу хуучин Зөвлөлтийн бүрэлдхүүнд байсан улс орнуудад эдийн засаг нь хүнд байгаагаас Орост ажиллаж амьдарч мөнгө хуримтлуулна гэж найдаж ирдэг, улмаар боолын эгнээнд шилждэг байна.

Хүний эрхийг хамгаалах “Агора” группын  эдирдагч Павел Чиков үүнийг Орос, Украин, Зөвлөлтийн бүрэлдхүүнд байсан олон орон иргэдийнхээ эрхийг хамгаалах талаар туйлын хангалтгүй, хамгийн доод түвшинд байгаа гэсэн байна. “Хэргийн гол нь энэ улсуудад боолчлолын эсрэг тэмцэх төрийн ч олон нийтийн ч механизм нь  туйлын хангалтгүй байна” гэж тэр үзэж байна.