Оростой цэргийн томоохон мөргөлдөөн гарах магадлал “бараг гарцаагүй” боллоо хэмээн АНУ-ын хуурай замын цэргийн командлагч Марк Милли  мэдэгдсэн байна. Тэрээр энэ долоо хоногт Пентагонд АНУ-ын команд штабын дээд удирдлагын семинар хийх үеэрээ ингэж мэдэгджээ. Милли болон америкийн бусад генералуудын энэ хатуу мэдэгдлийг барууны хэвлэлүүд дамжуулж байна.

АНУ-ын хуурай замын цэргийн командлагч “Орос, Хятадтай хийх дайн гарцаагүй боллоо” гээд хамгийн гол аюул нь Орос болж байна гэж онцолжээ.
Генерал америкийн зэвсэглэлийн тухайд “АНУ-ын зэвсэгт хүчинд асуудал байгаа хэдий ч ийм аюултай нөхцөлд тэдэнд урьд өмнө нь тохиож байгаагүй тийм цохилт өгч чадна. Бид ямар ч дайсныг хэдийд ч, хаана ч устгаж чадна” гэсэн байна.

АНУ-ын хуурай цэргийн штабын даргын орлогч дэслэгч генерал Жозеф Андерсон бас АНУ-ын аюулгүй байдалд “орчин үеийн үндэстний улс”-ын зүгээс заналхийлж байна гээд “Тэд милитарист хамтын ажиллагааны нөхцөлд заналхийлж байгаа юм” гэжээ. Тэгээд тэр “Энэ аль улсыг хэлж байна вэ, Мэдээж Орос” гэсэн байна.
Семинарт оролцогсод хятад бас АНУ-д заналхийлж байгаа гээд, ганцхан БНХАУ өнөөдөртөө цэргийн хүч нь дэлхийн хэмжээнд хараахан хүрээгүй байгаа гэжээ. Тэд бас Хятад, Орос хоёр өөрсдийн цөмийн бус зэвсэглэлээ сайжруулж, тэргүүлэх технологи нэвтрүүлж байгааг тэмдэглэсэн байна.

АНУ-ын армийн штабын ажилтан хошууч генерал Уильям Хикс энд Солонгосын дайнаас хойш тохиож байгаагүй тийм өргөн хэмжээний байлдааны ажиллагаанд Нэгдсэн улсын зэвсэгт  хүчин бэлтгэж байна гэж хэлжээ. “Цөмийн бус хүчин оролцсон энэ мөргөлдөөн ойрын үед, маш хурдан хугацаанд болж үхлийн их аюултай байх болно” гээд энэ нь асар их хэмжээний хохирол дагуулна гэсэн байна.