Америк төдийгүй дэлхийн хэмжээнд хамгийн нөлөө бүхий “Forbes” сэтгүүлийн нийтэл болгон олны анхаарлын төвд орж байдаг. Энэ удаад тус сэтгүүлийн шинжээч нь Америк ба Оросын хооронд дайн дэгдэх магадлал ба боломжит ялагчийн талаарх дүгнэлтээ танилцуулсан нь олон нийтийн анхаарлыг маш ихээр татаж байна.
Украйн, Сирийн үйл явдалтай холбоотойгоор ОХУ-ыг АНУ –аар удирдуулсан НАТО-ийн эвслэлтэй дайтаж болзошгүй тухай яриа эрчимтэй явагдаж байгаа үед дэлхийн хэмжээний том сэтгүүлийн шинжээч дайны тухай яриад эхэлнэ гэдэг анхаарал татахгүй байхын аргагүй.

“Forbes” сэтгүүлийн шинжээчийн хэлж байгаагаар Америк нь ойрын таван жилийн хугацаанд өөртэй нь бараг тэнцүү хүч чадалтай өрсөлдөгчтэйгээ дайтах магадлалтай аж. Бараг тэнцүү хүч чадалтай өрсөлдөгч гэж ямар улсыг хэлж байгаа нь тайлбарлалтгүй ойлгомжтой байх.
Энэхүү дайн нь их хэмжээний нутаг дэвсгэрт хуурай замын цэрэг давшилт хийснээр эхлэх бөгөөд америкчууд ядагдана гэж шинжээч үзсэн байна. Өөрөөр хэлбэл дайн Европт эхэлнэ. Үр дүнд нь Европ дахь геополитикийн тэнцвэр огцом өөрчлөгдөж, тус тив дэх АНУ-ын нөлөө дэлхийн хоёрдугаар дайны эхэн үеийнхтэй адил хэмжээнд хүрч буурах гэнэ.

Болзошгүй энэ дайнд америкчууд ялагдах хэд хэдэн хүчин зүйл байгаа аж. Эдгээрээс хамгийн чухал нь Хүү Бушийн үед Европоос Америкийн хоёр том бригадыг гаргасан, Обама Ази Номхон далайн бүс нутгаас их хэмжээний цэргийн хүч, зэвсэглэл татсан явдал гэнэ. Америкийн зэвсэгт хүчин шинэ зэвсэглэл худалдан авахад жилдээ 22 тэрбум ам.доллар зарцуулж байгаа бол оросууд армиа шинэ зэвсэг, техникээр хангах 700 тэрбум ам.долларын төслийг 2010 оноос хэрэгжүүлж эхэлсэн гэдгийг “Forbes” сэтгүүлийн шинжээч онцолжээ.

Болзошгүй дайнд америкчуудыг ялагдалд хүргэх бусад нөхцлүүдийг тоовчол Оросын газарзүйн байрлал чухал гэж үзсэн байна. Хоёр их гүрэн Дорнод Европт дайтах бөгөөд Европ дахь Америкийн цэргийн анги, нэгтгэлүүдээс хол байрлалтай газар гол тулаан явагдах тул оросууд армиа хүн хүч, зэвсэг, сум хэрэгслээр хангах дээр давуу болно. Ядаж байхад дайн болох газар нь Балтын тэнгис, Хар тэнгис гэсэн нарийнхан хоолойгоор хоорондоо холбогдсон их усаар холбогддог. Ийм газруудыг Оросууд хүссэн үедээ бүрэн хяналтадаа оруулах боломжтой гэнэ. Өөрөөр хэлбэл дайн эхэлвэл америкчууд хүн хүч, сум зэвсэг нийлүүлэхтэй холбоотой маш том асуудалтай тулгарна.

Дараагийн нэг нөхцөл нь Европ дахь Америкийн цэргийн тоо хангалтгүй байгаа явдал. АНУ нь Европт нь байнгын байршилтай хоёр бригад, десантын анги, хуягт техниктэй нэг анги гэсэн тун хангалтай хүчтэй байгаа гэнэ. Иймхэн хүчийг Оросын олон мянган танк, хэдэн зуун мянган цэрэг яах ийхийн зургийг арчиж хаях юм байна.
Европ дахь цэргийн хүч нь Оросын эсрэг дайнд хүрэхгүй байгаа тухай яриа яваад нэлээд хэдэн жил болж байгаа тул Обамагийн үед Баруун Европт нэмж нэг бригад байшуулах, Польш ба Балтын тэнгис орчмын улсуудад тус бүр 1000 цэрэг байршуулахаар болсон ч болзошгүй дайнд энэ хүч хангалтгүй гэнэ.

Мөн Оросын агаарын довтолгооноос хамгаалах хүчин, өндөр нарийвчлалтай тусах зэвсэг, радио электрон эсэргүүцэх төхөрөмж нь Европ дахь Америкийн цэргийн хүчний хэрэглэж байгаагаас толгой илүү боловсронгуй. Ийм байхад дайн болвол Америк ба НАТО-ийн холбоотнууд Оросын талд агаараас цохилт өгөх, өөрийн цэргээ дэмжих боломж бараг үгүй болох гэнэ.

Оросыг ялалтад хүргэх дараагийн хүчин зүйл нь холбоотнуудын шиймгий бус байдал гэж үзсэн байна. НАТО-ийн хүчнияй 2/3 нь америкчууд. Гэтэл НАТО-д Америкийн дараа орох шийдвэрлэх үүрэг гүйцэтгэдэг Франц, Герман, Итали, Их Британи гэсэг улсууд Балтын тэнгисийн эрэг дагуух Латви, Литв, Эстони эсвэл Украйнаас болж ОХУ-тай дайдах сонирхолгүй байгаа явдал ялагдлын нэг шалтгаан болох гэнэ.

Эцэст нь, Орос цөмийн зэвсэгтэй гүрэн гэсэн хүчин зүйл гарч ирэх юм байна. Дорнод Европт дэгдэж болзошгүй байгаа дайнд Оросыг ялахын тулд өөрийнх нь нутаг дээрх цэргийн бааз, үйлдвэрүүд гэх мэт газар цохилт өгөлгүйгээр ялах боломжгүй. Өмнө нь дурдагдсан шалтгааны улмаас энгийн зэвсгээр Оросын нутагт амжилттай цохилт өгөх магадлал бага тул цөмийн зэвсэг л үлдэнэ. Дайны бичигдээгүй хуулийн дагуу цөмийн зэвсгээр цохилт өгвөл тухайн цөмийн зэвсэг байрлаж байсан газар эхлээд хариу цохилт өгдөг. Америк өөрийн нутгаас Орос руу пуужин харваж галыг өөрөө дээрээ дуудах сонирхолгүй нь ойлгможтой. Ийм нөхцөлд Европт сайн дураар Оросын цөмийн зэвсгийн цохилтыг хүлээж авъя гэсэн улс гарч ирнэ гэдэг бүтэшгүй зүйл гэж “Forbes” сэтгүүлийн шинжээч үзсэн байна.

Украйн ба Сирид болж байгаа үйл явдалтай холбоотойгоор Америк тэргүүтэй Өрнө дахин ба Оросын харилцаа сүүлийн хоёр жилийн дотор эрс муудлаа. Үүнийг дагаад Америк ба Европын холбоог Оростой дайтаж магадгүй тухай яриа олон гарах болсон. Зарим улстөрч, шинжээчид шинэ хэзээ мөдгүй халуун дайн болох эрсдэлтэй шинэ хүйтэн дайны эхэлсэн тухай ярьж эхэлсний нэг жишээ нь “Forbes” сэтгүүлийн шинжээчийн гаргасан энэхүү дүгнэлт.