Ялалтын баярыг хоёр өдөр тэмдэглэдэг болсон учир
Европ, АНУ-д Ялалтын өдрийг Оросоос нэг өдрөөр өмнө тавдугаар сарын 8-нд тэмдэглэдэг. Ялалтын өдөр тэмдэглэх энэ хугацааны зөрүү нь фашист Германы бууж өгсөн гэрээнд хоёр удаа гарын үсэг зурсантай холбоотой. Тавдугаар сарын 7-нд Францын Реймс хотод эхний удаа гарын үсэг зуржээ. Дараа нь Зөвлөлтийн лидер Сталины шаардлагаар тавдугаар сарын 8-нд Берлиний дагуул хотхон Карлхорст дахин гэрээнд гарын үсэг зурцгаасан юм. 8-ны өдрийн Европын цагаар 22:43-д гарын үсэг зурж дуусах үеэр Москвад тавдугаар сарын 9-ний 00:43 цаг болж байв. Ингээд европчууд 8-нд Оросууд 9-нд Ялалтын баяраа тэмдэглэдэг болжээ. Өнөөдөр Ялалтын баярыг Оросоос гадна Украйн, Белорусь, Молдав, Азербайжан, Армен, Казахстан, Узбекистан, Киргиз, Тажикистанд тэмдэглэж байна. Сербид уг баярыг тэмдэглэдэг боловч амралтын өдөр биш юм.
Эхчүүдийн өдөр
Залуу америк эмэгтэй Анна Жервис цаг нь болоогүй мөнх бусыг үзүүлсэн эхийнхээ дурсгалд зориулж “Эхчүүдийн өдөр”-ийг бий болгох санаачилгаар төрийн болон хуулийн байгууллагууд, нэр алдартай хүмүүст захидал илгээжээ. Түүний хүчин зүтгэл талаар болсонгүй. 1910 онд Виржиниа муж анх удаагаа Эхийн баярыг албан ёсных болгосон байна. Түүнээс хойш энэ баярт олон орон нэгдэн тэмдэглэж иржээ.
