Жил бүрийн тавдугаар сарын 5-ны өдрийг “Дэлхийн эх баригчдын өдөр” болгон тэмдэглэдэг уламжлалтай. Манай улс энэ өдрийг ес дэх жилдээ тэмдэглэн өнгөрүүлэх гэж байна. Энэ жил “Эх нярайд үзүүлэх тусламж бол эх баригчдын ажлын гол цөм” уриан дор эх баригчдын ажлын онцлогийг ард иргэдэд таниулах үүднээс Эх хүүхдийн эрүүл мэндийн үндэсний төвөөс Чингисийн талбай руу баярын явган парад аялах юм.
Улсын хэмжээнд 900 гаруй эх баригч эмч ажилладгаас нийслэл дэх дөрвөн төрөх эмнэлэгт 200 гаруй эх баригч эмч ажиллаж байна.