МАН-ын дарга, Ерөнхий сайдын алба хашиж, 2008 онд сонгуулийн будлиан үүсгэж, таван хүний аминд хүрэх эхлэл тавьж, ялсан атлаа хууль бус засгийн газар байгууллаа хэмээн намынхандаа адлагдаж байсан ч хариуцлагаас зугтахын эрхэнд хамтарсан засгийн газар байгуулж байсан Санжийн Баяр улс төрд эргэн орохгүй хэмээн фуйсбүүк хуудсандаа бичжээ.

“Сонгууль ойртсон болоод ч тэр үү, олон хүмүүс намайг улс төрд эргэн орох гэж дурсамжаа бичиж байна гэx юм. Харин надад зарчим байдаг, зарчмаа барихаас гадна эргээд улс төрд орох хүсэл надад алга. Хүсэл зоригоос гадна хүч тэнхээ хэрэгтэй. Тэр нь ч алга.
Улс төр гэдэг бол дурлаад байхаар амттай, амар хялбар ажил огт биш. Хагалгаа хийлгэсэн, хүчтэй эмээр тордуулсан учраас миний бие бүтэн биш. Дээд оргил гэдэг бол ямар эмнэлгийн тасаг биш, тэнд эрүүл хүн хүрэх ёстой. Баахан баалуулсан, гүтгүүлсэн учраас миний нэр бүтэн биш. Долоон байр, долоон сарын нэгэн, таван хүний амь, таван төгөлдөржилт гээд олон сэдвээр намайг элдэвлэдэг. Тэр болгоныг тайлбарлаж учирлаад л, цээжээ дэлдээд л, хамаг байдгаа тоочоод, гүйгээд байх хүсэл алга. Цаг хугацаа гэж нэг юм бий. Хэзээ ч юм цаг хугацаа бүхнийг шүүнэ, таслан шийдвэрлэнэ.Наадмын хөлийн тоос цаг хугацааны эрхэнд буугаад алсын бараа тод харагддагтай адил бодит үнэн г цаг хугацаа харуулна, хэн нь юу хийсэн гээл. Надаас одоо шинэ юм гарахгүй. Зөв гэнэ үү, буруу гэнэ үү би хийдгээ хийсэн. Монголд хамгийн чухал нь боловсролын салбар, энэ салбарыг сайжруулахын тулд мөнгө хэрэгтэй, харин мөнгийг уул уурхайгаас олохоос өөр арга байгаагүй тул Оюу Толгойг хөдөлгөсөн юм. Улаан буудайгаа хүнээс гуйхгүйн тулд атрын аяныг өрнүүлсэн. Ард иргэдийн мэдээллийг тодорхой болгож хүн амаа тоолохын тулд бид чадахаараа ажилласан.
Одоо шинэ үе гарч ирэх ёстой. Гэхдээ “Түр зуурын шоу” хөөцөлдсөн, яагаа ч үгүй байтлаа пээдийгээд ирсэн шинэ үе биш . Шинэ мэдлэг боловсролтой, шинэ ёс суртахуунтай, шинэ эрч хүчтэй шинэ үе. Бие нь ч, нэр нь ч бүтэн тийм л шинэ үе. Цаг нь хэдийнээ болсон” хэмээн бичжээ.

Тэрээр өөрийгөө баахан магтаж, гэм зэмгүй харин ч гавьяатай хэмээн өргөмжлөөд харин хийсэн бүхнийхээ балгийг хөндлөнгөөс хараад зүгээр жаргаж хэвтэхээр шийдсэн бололтой. Хамгийн гол нь тэрээр өөрийнхөө дурдсан бүхний хариуцлагаас зугтааж байгаа юм болов уу даа.