Нью Орлеоноос гаралтай алдарт жазз хөгжимчин Жэсс Дэвисийн хөгжмийн яруу тансаг, уянгалаг хөг хэмнэлийг Монголын жазз хөгжимд шимтэн дурлагчдад мэдрүүлэхээр УДБЭТ-ын тайзнаа энэ сарын 15-ны үдэш ганц удаа “Jesse Davis Quartet” тоглолтыг толилуулах гэж байна.
Тэрээр 11 настайгаасаа саксафон хөгжмөөр хөгжимдөж, 1980-1990-ээд онд ид мандаж байсан юм. Жэсс 1991 онд “Horn of passion”, жилийн дараа “As we speak”, 1993 онд “Young at Art”, 1994 онд “High standards”, үүнээс хоёр жилийн дараа “From within”, 1998 онд ”First Insight” болон 2000 онд “Second Nature” хэмээх долоон цомог гаргаж байжээ.
Тэрээр энэ удаад даралтат хөгжимчин Пол Кирби, басс гитарчин Мартин Зинкер, бөмбөрчин Минчан Ким нартай хамтарч тоглох аж. Жазз хөгжмийн домог болсон уран бүтээлчдийн хамтарсан тоглолтыг амьдаар сонсох ховорхон боломж энэ үдэш л тохиох нь.
