/БСШУЯ-ны Бага дунд боловсролын газрын дарга/

-Хоёр сар гаруйн дараа хичээлийн шинэ жил эхлэх гэж байна. Сурах бичгүүд хэвлэгдэж дууссан уу?
-2012-2013 оны хичээлийн жилийн бэлтгэл ажлыг хангахтай холбогдуулан шинээр хэвлэх шаардлагатай бүх сурах бичгийг хэвлэж дууссан байгаа.  Зургадугаар сарын 1-ний өдрөөс эхлэн нийслэл болон орон нутагт нийлүүлж эхэлсэн. Одоогийн байдлаар нийт сурах бичгийн 50 хувь нь нийлүүлэгджээ. Энэ ажил маань  ирэх сарын 16-нд дуусах юм л даа.

-Нийт хэчнээн сурах бичиг хэвлэгдсэн бол?
 -89 нэр төрлийн 1.315.348 ширхэг сурах бичгийг хэвлэн нийлүүлж байна.  Эдгээрийн 27 нэр төрлийн сурах бичгийг шинээр зохион, 62-ыг нь дахин хэвлэн нийлүүлж байгаа юм.

-Зах зээлд худалдах сурах бичгийн үнэ ханш ямар байх нь хүмүүст сонин байх болов уу?
 -Дунд ангийн сурах бичгийн дундаж үнэ 2200 төгрөг, ахлах ангийнхны дундаж үнэ 3420 төгрөг байх юм.  Харин өнгөрсөн жилүүдэд хэвлэгдсэн сурах бичгүүд хуучин үнээрээ борлуулагдана.